Revelasion 22:18 - Nouvo Testaman Kreol Morisien Harmonisation NTPS KM

¹⁸ Mo pe averti zot tou ki tann parol profetik sa liv-la: si kikenn azout kitsoz dan sa liv-la, Bondie pou azout dan so lavi mem kantite fleo ki ena dan sa liv-la.

Nouvo Testaman dan Kreol Morisien

¹⁸ Mo pe averti zot tou ki tann parol profetik sa liv la: si kikenn azout kiksoz dan sa liv la, Bondie pou azout dan so lavi mem kantite fleo ki ena dan sa liv la.

Revelasion 22:18 ပူးပေါင်းရင်းမြစ်များ

Proverb 30:6

Pa azout nanye ar parol Bondie, sinon, li pou repros twa e to pou pas pou enn manter.

Mt 15:13

Li reponn, “Tou bann plant ki mo papa pa finn plante pou derasine.

Ef 4:17

Dan nom Lesegner, mo averti zot: zot bizin aret viv kouma bann non-krwayan viv; bann-la zot panse pena okenn valer,

1 Tes 4:6

Dan sa zafer-la, ki personn ant zot pa fer dimal so prosin oubien abiz lor li. Nou finn deza dir zot sa avan, la nou pe averti zot ki Bondie pou pini bann ki komet sa bann fot-la.

Revelasion 1:3

Bienere dimounn ki lir, e bienere bann ki tann parol profesi, e ki gard seki finn ekrir isi; parski letan ki finn fixe pou sa bann kitsoz-la pre pou arive.

Revelasion 15:1

Apre sa, mo trouv enn lot gran sign etonan dan lesiel: set anz avek set fleo, zotmem dernie parmi bann dernie fleo. Ofet atraver zot, lakoler Bondie pou ariv so pwin final.

Revelasion 15:6

e set anz avek set fleo la, sorti. Zot ti abiye dan enn rob an-lin bien blan avek bann sang otour zot lerin.

Revelasion 19:20

Alor zot finn trap bebet-la anmemtan ki sa fos profet ki ti fer bann mirak dan so prezans la; ki ti sedwir tou bann ki ti ena mark bebet e ti ador so zimaz. Ti zet bebet-la ek fos profet-la dan enn landrwa ranpli ar dife ki brile kouma souf.

Revelasion 20:10

Lerla, zot ti zet Satan, ki ti sedwir tou dimounn, dan landrwa kot dife ek souf ti pe brile; dan sa landrwa lamem zot ti zet bebet ek fos profet la. Lanwit-lizour zot pou tourmante pou touzour.

Revelasion 20:15

Dimounn ki so nom pa ti ekrir dan liv lavi, ti zet li dan basin dife.

Revelasion 22:10

Lerla li dir mwa, “Pa gard sekre bann parol profet ki trouv dan liv-la, parski letan pe aprose.

Revelasion 22:16

“Mwa, Zezi, mo finn avoy mo anz kot bann Legliz ar sa temwaniaz-la: ‘Mo enn desandan David, zetwal ki briye gramatin.’ ”

Revelasion 22:7

Ala, mo pe vini biento. Bienere dimounn ki gard parol profet ki trouv dan sa liv-la.”

Revelasion 22:9

Me li dir mwa, “Fode pa ki to fer sa, mo enn serviter parey kouma twa, parey kouma to bann frer profet ek tou lezot ki gard parol sa liv-la. Bondie ki to bizin adore.”

Revelasion 3:14

Let ki finn ekrir pou anz dan Legliz Laodise: “Ala parol Amen, vre temwin fidel ki lasours kreasion Bondie: