Revelasion 22:14 - Nouvo Testaman Kreol Morisien Harmonisation NTPS KM

¹⁴ Bienere dimounn ki lav so rob pou li gagn drwa manz fri pie lavi e rant dan lavil par so bann laport.

Nouvo Testaman dan Kreol Morisien

¹⁴ Bienere dimoun ki lav so rob pou li gagn drwa manz fri pie lavi e rant dan lavil par so bann laport.

Revelasion 22:14 ပူးပေါင်းရင်းမြစ်များ

Psom 112:1

Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

Psom 118:20

Samem laport LESEGNER; bann dimounn drwat kapav rant andan.

Zn 10:7

Alors Zezi dir zot ankor, “Vremem laverite mo dir zot, momem laport bann mouton.

Zn 10:9

Momem laport; seki pas par mwa, mo pou sov li, li pou kapav rantre sorti kouma li anvi e pou touzour ena patiraz pou li.

Zn 14:15

“Si zot kontan mwa, zot pou obzerv mo bann komannman.

Zn 14:6

Zezi dir li, “Momem sime, laverite, lavi; personn pa kapav al kot mo Papa si li pa pas par mwa.

Zn 4:12

Eski ou pli gran ki nou anset Zakob? Pa limem ki finn donn nou sa pwi-la? Pa limem ki finn bwar ladan ansam avek so bann garson ek so bann zanimo?”

1 Ko 7:19

Li pa inportan si finn fer ou pa finn fer sirkonsizion. Seki inportan, bizin gard komannman Bondie.

1 Ko 8:9

Alor to bizin fer atansion ki sa liberte ki to servi la li pa fer enn lot ki feb dan lafwa tom dan lerer.

1 Ko 9:5

Eski nou pena drwa amenn nou madam Kretienn ar nou, kouma bann lezot Zapot fer, kouma bann frer Lesegner ek Kefas fer?

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

1 Zn 3:3

Dimounn ki ena sa kalite lesperans dan Kris, pou rann limem pir parey kouma li.

1 Zn 5:3

Kan nou kontan Bondie, nou obeir so komannman. So komannman pa difisil pou swiv,

Revelasion 2:7

Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 21:12

Lavil-la ti ena bann gran miray bien ot avek douz laport. Douz anz ti pe gardien bann laport-la e lor sak laport ti ekrir nom douz tribi Izrael.

Revelasion 21:27

Me okenn inpirte pa pou rant dan lavil-la, ni personn ki pratik abominasion ou mansonz, me zis dimounn ki so nom finn ekrir dan liv lavi Agno.

Revelasion 22:2

Omilie laplas lavil, lor de kote larivier ena enn bann pie lavi avek zot douz kalite fri. Sak mwa zot donn zot fri ek zot fey servi pou geri lepep.

Revelasion 22:7

Ala, mo pe vini biento. Bienere dimounn ki gard parol profet ki trouv dan sa liv-la.”

Revelasion 7:14

Mo dir li, “Mo Segner, tomem ki kone.” Lerla li dir mwa, “Sa bann-la, zot finn travers dan enn gran persekision, zot finn lav zot rob e finn fer zot vinn blan dan disan Agno.