Revelasion 20:4 - Nouvo Testaman Kreol Morisien Harmonisation NTPS KM

⁴ Lerla mo trouv bann tronn, e bann ki ti pe asiz lor sa bann tronn-la ti ena lotorite pou zize. Mo ti trouv osi nam bann dimounn ki zot latet ti koupe akoz zot temwaniaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Nouvo Testaman dan Kreol Morisien

⁴ Lerla mo trouv bann tronn, e bann ki ti pe asiz lor sa bann tronn la ti ena lotorite pou zize. Mo ti trouv osi nam bann dimoun ki zot latet ti koupe akoz zot temwagnaz lor Zezi ek parol Bondie. Zot pa ti ador Bebet ni so zimaz e zot pa ti resevwar so mark lor zot fron ou zot lame. Zot ti regagn lavi e zot ti regne avek Kris pandan mil an.

Revelasion 20:4 ပူးပေါင်းရင်းမြစ်များ

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 24:10

Boukou pou abandonn zot lafwa, dimounn pou trayir ek ayir zot kamarad.

Mk 6:16

Letan Erod finn tann sa, li dir, “Mo finn sot likou Zan, ala li finn resisite.”

Mk 6:27

Deswit, lerwa avoy enn gard. Li donn li lord amenn latet Zan Batis. Gard-la ale, li sot latet Zan Batis dan kaso,

Mk 9:11

Apre bann disip dimann li, “Kifer bann dokter lalwa dir fode Eli revini avan?”

Lk 1:17

Li pou mars devan Bondie avek lafors ek lespri profet Eli. Li pou fer bann papa retourn ansam ek zot zanfan. Li pou fer bann rebel gagn lasazes bann zis. Li pou prepar enn lepep pou resevwar Bondie.”

Lk 14:14

koumsa to pou beni, parski bann-la pa kapav rann twa parey. To pou rekonpanse ler rezireksion bann zis vini.”

Lk 22:30

pou ki zot manze ek bwar lor mem latab ar mwa dan mo Rwayom e ki zot siez lor tronn pou ziz douz tribi Izrael.”

Zn 14:19

Dan enn tigit letan ankor, lemond nepli pou trouv mwa me zot, zot pou kontigne trouv mwa parski mo pou viv e zot osi zot pou viv.

Let pou Romin 11:15

Si, letan ti ekart zot, sa finn fer lemond rekonsilie li ar Bondie, kouma sa pou ete kan reintegre zot? Li koumadir seki mor pe regagn lavi!

Let pou Romin 8:17

Si nou zanfan Bondie, alor nou eritie Bondie, ek nou eritie ansam ar Lekris. Si nou soufer avek Lekris nou pou osi partaz so laglwar.

2 Tim 2:12

Si nou res ferm avek li, nou pou regn avek li. Si arive nou renie li, li osi li pou renie nou.

Revelasion 1:2

Zan pou temwagn lor tou seki li finn trouve konsernan parol Bondie ek temwaniaz Zezi Kris.

Revelasion 1:9

Mwa, zot frer Zan, ansam ar Zezi mo partaz zot soufrans e rwayote, pasians ek landirans. Mo retrouv mwa lor lil Patmos akoz parol Bondie ek temwaniaz Zezi.

Revelasion 11:11

Me apre sa trwa zour edmi-la,

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Revelasion 11:3

E mo pou otoriz mo de temwin abiye dan linz dey, pou profetize pandan mil de-san swasant zour.”

Revelasion 11:7

Me kan zot fini zot temwaniaz, bebet ki sorti dan pwi-san-fon pou atak zot ek touy zot.

Revelasion 12:11

Me zot, zot finn gagn batay par disan Agno Bondie e par parol zot temwaniaz, parski zot pa ti telman atase ar zot lavi pou zot refiz lamor.

Revelasion 14:11

Lafime zot tourman mont lao pou touzour. Pena repo, ni lizour, ni lanwit pou bann ki ador bebet ek so zimaz e tou seki finn resevwar mark so nom.”

Revelasion 15:2

E mo ti trouv koumadir enn lamer kristal melanze avek dife. Tou bann ki ti finn gagn laviktwar lor bebet-la, so zimaz ek nimero so nom, ti dibout dan bor lamer kristal avek dan zot lame enn bann laarp ki Bondie ti donn zot.

Revelasion 17:8

Bebet ki to ti trouve la, li ti existe me zordi li nepli la. Li pou remonte depi pwi-san-fon pou al ver so destriksion. Bann abitan later ki zot nom pa finn ekrir dan liv lavi depi kreasion lemond, pou etone kan zot pou trouv bebet-la, parski li ti existe, li nepli existe me li pou revini.

Revelasion 2:26

Dimounn ki gagn laviktwar e ki fer mo volonte ziska lafin, mo pou donn li pouvwar lor tou bann nasion.

Revelasion 20:6

Bann ki ti partaz sa premie rezireksion-la, zot ti vremem ere ek sin. Deziem lamor pena okenn pouvwar lor zot. Zot pou vinn pret pou Bondie ek Kris, e zot pou regn avek li pandan mil an.

Revelasion 22:5

Nepli pou ena lanwit; personn pa pou bizin lalimier flanbo ou lalimier soley; Lesegner Bondie, limem pou zot lalimier, e zot pou regne pou touzour.

Revelasion 3:21

Dimounn ki gagn laviktwar, mo pou permet li asiz lor mo tronn parey kouma mwa osi, apre ki mo ti gagn laviktwar, mo ti asiz avek mo papa lor so tronn.

Revelasion 4:4

Otour tronn-la ena vennkat tronn avek vennkat ansien ki asize lor la. Zot ti finn abiye an blan e zot ti ena enn kouronn an-or lor zot latet.

Revelasion 6:9

Ler li ti ouver sinkiem sele, mo trouv anba lotel, nam bann ki ti finn masakre akoz parol Bondie ek temwaniaz ki zot ti finn done.

Revelasion 7:3

Li ti dir: “Pa bizin detrir ni later, ni lamer ou bann zarb, ziska nou fini mark bann serviter Bondie avek enn sele lor zot fron.”