Revelasion 2:7 - Nouvo Testaman Kreol Morisien Harmonisation NTPS KM

⁷ Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Nouvo Testaman dan Kreol Morisien

⁷ Seki ena zorey, ekout bien seki Lespri ena pou dir bann legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 2:7 ပူးပေါင်းရင်းမြစ်များ

Proverb 11:30

Enn bon dimounn, li kouma enn pie ki donn lavi; me laviolans, souvan amenn lamor.

Proverb 13:12

Kan lespwar tom dan dilo, leker fermal; me kan enn rev realize, leker zwaye.

Proverb 15:4

Bann zoli parol amenn lavi; koze gra fer leker fermal.

Proverb 3:18

Lasazes kouma enn pie ki donn lavi bann ki trap li; bann ki konn gard lasazes, pou apel zot bienere.

Mt 11:15

Seki ena zorey, ava tande.

Mt 13:43

Lerla, bann ki finn res fidel pou briye kouma lalimier soley dan rwayom zot Papa. Seki ena zorey ava tande.”

Mt 13:9

Seki ena zorey pou tande, ava tande.”

Mk 4:9

Zezi dir zot, “Seki ena zorey pou tande, ki li tande.”

Mk 7:15

Tou seki dan lanatir e ki rant dan lekor enn dimounn, pa kapav fer li vinn inpir, selman seki sorti dan so lekor, sa kapav fer li vinn inpir.

Mk 7:16

Si zot ena zorey pou ekoute, ekout bien!”

Lk 23:43

Zezi reponn li, “Laverite, laverite mo dir twa, zordi mem to pou avek mwa dan paradi.”

Lk 8:8

Inpe tom dan bon later, e kan zot grandi, zot prodir san fwa plis.” Letan li fini dir sa, li dir avek otorite, “Seki ena zorey pou tande, li ava tande!”

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

1 Ko 2:10

Abe, samem mister ki Bondie finn revel nou par so Lespri Sin. Lespri kapav examinn tou kiksoz, mem bann plan Bondie ki pli kasiet.

2 Ko 12:4

sa zom-la ti mont ziska paradi e laba li ti tann bann kiksoz ki pa kapav exprime, e ki okenn imin pa kapav repete.

1 Zn 2:13

Mo pe ekrir zot, gran dimounn, parski zot konn Sa-Enn ki existe depi koumansman. Mo pe ekrir zot, bann zenes, parski zot finn vink lemal.

Revelasion 13:9

Seki ena zorey pou tande, ekout bien.

Revelasion 14:13

Apre sa mo tann enn lavwa dan lesiel ki dir, “Ekrir sa: Beni bann ki aster-la finn mor dan linion ar Zezi Kris! Wi, ki zot repoze apre zot travay parski zot bann bon aksion swiv zot.”

Revelasion 15:2

E mo ti trouv koumadir enn lamer kristal melanze avek dife. Tou bann ki ti finn gagn laviktwar lor bebet-la, so zimaz ek nimero so nom, ti dibout dan bor lamer kristal avek dan zot lame enn bann laarp ki Bondie ti donn zot.

Revelasion 2:11

Si zot ena zorey ekout seki Lespri ena pou dir bann Legliz. Seki ranport laviktwar lor diab pa pou konn deziem lamor.”

Revelasion 2:17

Si zot ena zorey, ekout seki Lespri ena pou dir bann Legliz! Seki gagn laviktwar, mo pou donn li lamann ki dan sekre. Mo pou donn li enn ros blan avek enn nouvo nom ekrir lor la. Personn pa konn sa nouvo nom-la, exsepte sa dimounn ki resevwar li la.”

Revelasion 21:7

Dimounn ki gagn laviktwar pou resevwar sa don-la, e mo pou vinn so Bondie e li pou vinn mo zanfan.

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.

Revelasion 22:17

Lespri ek nouvel marye dir, “Vini!” Dimounn ki tann sa, zot osi dir, “Vini!” Dimounn ki swaf bizin vini, dimounn ki anvi pran delo lavi, pran li gratis.

Revelasion 22:2

Omilie laplas lavil, lor de kote larivier ena enn bann pie lavi avek zot douz kalite fri. Sak mwa zot donn zot fri ek zot fey servi pou geri lepep.