Revelasion 2:23 - Nouvo Testaman Kreol Morisien Harmonisation NTPS KM

²³ Mo pou touy to bann zanfan. Tou bann Legliz pou kone ki momem ki konn bann panse ek lespri tou dimounn. Mo pou tret sakenn dapre seki zot merite.

Nouvo Testaman dan Kreol Morisien

²³ Mo pou touy to bann zanfan. Tou bann legliz pou kone ki mo enn kikenn ki konn bann panse ek lespri tou dimoun. Mo pou tret sakenn zot dapre seki zot merite.

Revelasion 2:23 ပူးပေါင်းရင်းမြစ်များ

Psom 139:1

Segner, to finn examinn mwa net e to kone ki mo ete.

Psom 26:2

Examinn mwa, teste mwa, SEGNER, examinn mo lespri ek mo santiman.

Psom 44:21

to ti pou may nou anplin parski to konn nou panse profon.

Psom 62:12

Segner, to osi enn Bondie damour, ki rekonpans sakenn dapre so aksion.

Psom 7:9

O Bondie, twa ki lasours drwatir, twa ki konn ziz nou panse ek nou santiman, detrir lemal bann move dimounn e fer bann dimounn ki drwat vinn pli for.

Mt 16:27

Garson Limanite pou vini avek so bann anz dan laglwar so Papa, e lerla li pou tret sak dimounn dapre seki li finn fer.

Lk 16:15

Zezi dir zot, “Zot fer krwar ki zot ena lazistis zis pou lizie dimounn, me Bondie konn zot leker. Seki ena valer pou dimounn, enn abominasion pou Bondie.

Zn 21:17

Zezi demann li enn trwaziem fwa, “Simon garson Zan, eski to kontan mwa?” Pier sagrin ki Zezi demann li enn trwaziem fwa, “Eski to kontan mwa?” Lerla Pier reponn, “Segner, to konn tou, to kone ki mo kontan twa.” Zezi dir li, “Donn manze mo bann mouton.

Zn 4:16

Zezi dir li, “Al apel to mari apre revini.”

Zistwar Bann Zapot 1:24

Lerla zot ti priye e dir, “Segner, twa ki konn leker tou dimounn, dir nou kisann-la ant sa de-la to finn swazir pou ranplas

Let pou Romin 14:12

Alor sakenn parmi nou bizin rann kont devan Bondie.

Let pou Romin 8:27

Bondie ki kapav lir dan nou leker, li kone ki ena dan panse Lespri, parski Lespri intersed pou bann krwayan dapre volonte Bondie.

2 Ko 5:10

Nou tou pou bizin dibout devan zizman Lekris, pou ki sakenn gagn so rekonpans dapre seki li finn fer letan li ti dan sa lekor-la, ki li bon kiksoz, ki li move kiksoz.

Ga 6:5

Sakenn pou bizin sarye so prop fardo.

Eb 4:13

Dan kreasion, nanye pa invizib pou lizie Bondie. Devan li nou touni, so lizie trouv tou e zis avek limem ki nou bizin rann kont.

1 Pi 1:17

Si zot priye Bondie kouma Papa ki ziz tou dimounn parey dapre so aksion, zot bizin ena respe pou li letan ki zot lor later.

Revelasion 2:11

Si zot ena zorey ekout seki Lespri ena pou dir bann Legliz. Seki ranport laviktwar lor diab pa pou konn deziem lamor.”

Revelasion 2:7

Seki ena zorey, ekout bien seki Lespri ena pou dir bann Legliz! Mo pou akord bann ki finn ranport laviktwar drwa pou manz fri zarb lavi ki trouv dan zardin Bondie.”

Revelasion 20:12

Lerla mo trouv bann mor, bann tipti kouma bann gran pe debout devan tronn e zot ouver enn bann liv. Enn lot liv ki apel liv lavi ti osi ouver e bann mor ti zize dapre seki zot ti fer, dan manier ki finn ekrir dan bann liv-la.

Revelasion 20:13

Lamer ti retourn tou bann mor ki li ti kontenir; lamor ek Ades ti retourn bann kadav, e sakenn ti zize dapre seki li ti fer.

Revelasion 22:12

Ala mo pe vini biento. Mo pe amenn mo rekonpans ki mo pou donn zot tou pou seki zot finn fer.

Revelasion 6:8

Mo gete e mo trouv enn seval ver pal. Dimounn ki ti pe mont li la apel Lamor, e Ades ti pe swiv li. Ti donn zot lotorite lor enn kar later, pou touy avek lepe, lafaminn, lepidemi e par bann zanimo sovaz.