Revelasion 2:1 - Nouvo Testaman Kreol Morisien Harmonisation NTPS KM

¹ Let ki finn ekrir pou anz Legliz dan Efez: “Ala deklarasion sa-enn ki tini set zetwal dan so lame drwat e ki mars omilie set lalanp an-or.

Nouvo Testaman dan Kreol Morisien

¹ Let ki finn ekrir pou anz legliz dan Efez: “Ala deklarasion sa kikenn ki tini set zetwal dan so lame drwat e ki mars omilie set lalanp an-or.

Revelasion 2:1 ပူးပေါင်းရင်းမြစ်များ

Mt 18:20

Parski la kot de ou trwa finn rasanble lor mo nom mo pou la omilie zot.”

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Zn 5:35

Zan ti enn lalanp ki alime e ki ti pe donn so lekleraz; pou enn moman, zot leker ti dan lazwa letan zot ti pe profit so lalimier.

Zistwar Bann Zapot 18:19

Letan zot ariv Efez, Pol kit Akila ek Prisil, li al dan sinagog kot li koumans diskit ar bann Zwif.

Zistwar Bann Zapot 18:21

me kan ti vinn moman pou dir orevwar, li dir zot, “Mo pou retourne si li dan volonte Bondie.” Lerla li pran bato li al Efez.

Zistwar Bann Zapot 19:1

Letan Apolos ti Korint, Pol ti travers bann provins dan montagn pou al Efez. Laba li ti zwenn de-trwa disip.

2 Ko 6:16

Ki lakor ena ant Tanp Bondie ek bann idol? Parski noumem ki Tanp Bondie vivan, kouma Bondie finn dir, “Mo pou res parmi mo pep, mo pou mars avek zot, Mo pou zot Bondie, e zot pou mo pep.”

Revelasion 1:16

Li ti pe tini set zetwal dan so lame drwat, e enn lepe ki koup de kote e ki bien fite ti sorti dan so labous. So figir ti briye parey kouma soley midi.

Revelasion 1:20

Ala sinifikasion mister sa set zetwal ek set sandelie an-or ki zot ti trouve dan mo lame drwat. Sa set zetwal-la reprezant bann anz, e sa set lalanp-la reprezant set Legliz.”

Revelasion 12:1

Enn gran sign paret dan lesiel: enn fam ki ti abiye avek soley, lalinn anba so lipie, e lor so latet enn kouronn douz zetwal.

Revelasion 2:12

Let ki finn ekrir pou anz dan Legliz Pergam: “Sa-enn ki ena lepe ki koup de kote la deklare:

Revelasion 2:18

Let ki finn ekrir pou anz dan Legliz Tiatir: “Ala seki garson Bondie ki ena lizie kouma enn laflam dife ek lipie parey kouma bronz ki finn bien poli deklare.

Revelasion 2:8

Let ki finn ekrir pou anz dan Legliz Smirn: “Sa-enn ki premie ek dernie ki ti finn mor e ki finn resisite la deklare:

Revelasion 3:1

Let ki finn ekrir pou anz dan Legliz Sard: “Sa-enn ki ena set lespri Bondie ek set zetwal la deklare: Mo konn to travay, mo kone ki to ena repitasion enn bon vivan, ler gete to enn mor.

Revelasion 3:14

Let ki finn ekrir pou anz dan Legliz Laodise: “Ala parol Amen, vre temwin fidel ki lasours kreasion Bondie:

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver: