Revelasion 19:7 - Nouvo Testaman Kreol Morisien Harmonisation NTPS KM

⁷ Anou rezwir, anou selebre, anou rann laglwar Bondie! parski maryaz Agno finn arive, nouvel-marye finn fini prepar li.

Nouvo Testaman dan Kreol Morisien

⁷ Anou rezwir, anou selebre, anou rann laglwar Bondie! parski maryaz Annyo finn arive, nouvel-marye finn fini prepar li.

Revelasion 19:7 ပူးပေါင်းရင်းမြစ်များ

Psom 107:42

Kan bann dimounn drwat ti trouv sa, zot ti santi enn gran lazwa me bann dan lemal ti oblize ferm labous.

Psom 48:11

Montagn Sion viv dan lazwa; bann vilaz dan Zide konn enn gran boner akoz to bann zizman.

Psom 9:14

e ki permet mwa dibout divan lepep Zerizalem pou rakont zot kifer mo sant to louanz. Mo lazwa li gran parski to finn sov mwa.

Proverb 29:2

Kan bann dimounn drwat opouvwar, lepep ena lazwa dan leker; me kan enn diktater gouverne, lepep pas mizer.

Mt 1:20

Letan Zozef pe kalkil tousala, anz Lesegner paret devan li dan enn rev. Anz la dir li, “Zozef, garson David, pa per pou pran Marie kouma to fam. Zanfan ki dan so vant li sorti depi Lespri Sin.

Mt 22:2

“Rwayom lesiel parey kouma enn lerwa ki organiz enn lanos pou maryaz so garson.

Lk 12:36

Zot bizin kouma bann dimounn ki pe atann zot met retourne apre enn maryaz; kouma li tap laport, zot fini pare pou ouver.

Zn 3:29

Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad-la dan lazwa letan li tann lavwa nouvo marye. Akoz samem aster, mo lazwa li bien-bien gran.

2 Ko 11:2

Mo ena zalouzi pou zot, otan ki Bondie ena. Mo ti finn promet pou marye zot ar enn sel mari, Lekris, e mo dezir prezant zot ar li kouma enn zennfi vierz.

Ef 5:23

parski enn mari limem latet so fam, parey kouma Lekris sef Legliz. Lekris limem Sover Legliz ki so lekor.

Ef 5:32

Sa mister-la li bien gran; mwa mo dir ki sa ena pou fer avek Lekris e so Legliz.

Let pou Filipien 3:3

Nou, nou bann vre sirkonsi. Nou loue Bondie par so Lespri. Nou laglwar trouv dan Zezi e nou pa met nou konfians dan okenn imin.

Revelasion 11:13

Anmemtan ti ena enn gran tranbleman-de-ter, e enn diziem lavil ti kraze net; set mil dimounn ti mor dan tranbleman-de-ter-la. Bann sirvivan ti terifie e zot ti pe glorifie Bondie lesiel.

Revelasion 19:9

Apre sa, enn anz ti dir mwa, “Ekrir sa: Zot pou ere, bann ki invite dan maryaz Agno.” Lerla li dir mwa, “Samem vre parol Bondie.”

Revelasion 21:2

E mo ti trouv lavil sin, nouvo Zerizalem, sorti kot Bondie e desann depi lesiel. Li ti bien abiye parey kouma nouvel-marye pe atann so bieneme.

Revelasion 21:9

Apre sa, enn parmi sa set anz ki ti ena set koup ranpli ar set dernie fleo la, vini e li dir mwa, “Vini, mo pou montre twa fianse-la, limem ki pou marye avek Agno.”