Revelasion 19:6 - Nouvo Testaman Kreol Morisien Harmonisation NTPS KM

⁶ Lerla mo tann enn lavwa koumadir enn gran lafoul dimounn, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.

Nouvo Testaman dan Kreol Morisien

⁶ Lerla mo tann enn lavwa koumadir enn gran lafoul dimoun, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.

Revelasion 19:6 ပူးပေါင်းရင်းမြစ်များ

Psom 47:2

LESEGNER, Bondie Pli Lao li redoutab li enn gran lerwa lor later antie.

Psom 47:7

Bondie lerwa antie later; sant enn psom pou loue li.

Psom 77:18

Loraz ti roule ar enn son asourdisan; zekler to avoye ti ekler lemond; later ti gagn sok e li ti tranble.

Psom 93:1

LESEGNER, limem lerwa, li anvlope par mazeste divinn, LESEGNER ena mazeste ek pwisans kouma enn tinik rwayal. Li finn etabli lemond bien ferm, pena li bouze.

Psom 97:1

LESEGNER, limem lerwa! Later dans ar lazwa! Tou bann lil atraver losean, montre zot kontantman!

Psom 97:12

Zot tou ki viv drwat, montre zot lazwa dan LESEGNER. Glorifie so nom ki sin.

Psom 99:1

LESEGNER, limem lerwa; lepep partou tranble. Li asiz lor so tronn pli lao ki bann seribin; e liniver antie emerveye.

Mt 6:13

Pa les nou tom dan tantasion Me tir nou dan lemal.’

Revelasion 1:15

so lipie ti pe briye parey kouma bronz bien poli dan four e so lavwa ti rezone parey kouma son dilo kaskad.

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Revelasion 12:10

Lerla mo tann enn lavwa for dan lesiel ki dir, “Aster-la moman delivrans, pwisans regn Bondie, ek lotorite so Mesi finn arive. Akizater nou bann frer ek ser finn perdi plas, li ti pe akiz zot lanwit-lizour.

Revelasion 14:2

Lerla mo tann enn lavwa rezone dan lesiel kouma enn kaskad dilo ek son loraz. Lavwa-la resanble son bann mizisien ki ti pe zwe zot laarp.

Revelasion 19:1

Apre sa mo tann koumadir enn lavwa for, bann lafoul dan lesiel ki pe dir, “Alelouya! Laglwar ek pwisans pou nou Bondie, ki sov nou.

Revelasion 19:4

Sa vennkat ansien ek kat kreatir vivan la tom azenou pou ador Bondie ki pe asiz lor tronn. Zot dir; “Amen Alelouya!”

Revelasion 21:22

E mo pa ti trouv okenn tanp dan lavil-la parski tanp lavil ti Lesegner Bondie Toupwisan ek Agno.

Revelasion 4:5

Ti ena zekler, enn pake tapaz, kout toner e devan tronn-la set flanbo ti pe brile; samem set lespri Bondie.

Revelasion 6:1

Lerla mo ti trouv Agno ouver enn sa set sele-la, e mo tann enn parmi sa kat kreatir vivan la kriye ar lavwa loraz, “Vini”.

Revelasion 8:5

Apre anz-la pran lansanswar, li ranpli li ar dife ki sorti lor lotel e li avoy sa lor later; e ti ena kout toner, loraz, zekler ek tranbleman-de-ter.