Revelasion 17:12 - Nouvo Testaman Kreol Morisien Harmonisation NTPS KM

¹² Sa dis korn ki to finn trouve la, zot dis lerwa ki pankor resevwar enn rwayom, me zot pre pou gagn lotorite lerwa pou enn-er-tan ansam avek bebet-la.

Nouvo Testaman dan Kreol Morisien

¹² Sa dis korn ki to finn trouve la, zot dis lerwa ki pankor resevwar enn rwayom, me zot pre pou gagn lotorite lerwa pou enn er-tan ansam avek bebet la.

Revelasion 17:12 ပူးပေါင်းရင်းမြစ်များ

Revelasion 10:11

Lerla ti dir mwa, “To pou bizin profetiz ankor ar boukou bann lepep ek nasion, langaz ek lerwa.”

Revelasion 12:3

Lerla enn lot sign paret dan lesiel: enn gran dragon rouz, avek set latet ek dis korn, e set kouronn lor so bann latet.

Revelasion 13:1

Lerla mo trouv enn bebet sorti dan lamer, li ena dis korn ek set latet; lor sak korn ti ena enn kouronn e lor bann latet-la ena enn bann nom ki insilte Bondie.

Revelasion 17:16

Sa dis korn ki to finn trouve, ansam avek bebet-la, zot pou ena laenn pou prostitie-la; zot pou pran tou seki li ena e met li touni, zot pou manz so laser e bril seki reste dan dife.

Revelasion 18:10

Zot pou dibout lwin apar, zot pou per bann tourman ki li pou sibir e zot pou dir: “Maler! Maler! Gran lavil Babilonn, lavil pwisan. Dan enn-er-tan to pou gagn to santans.”

Revelasion 18:17

Enn-er-tan ase pou detrir tou sa bann larises-la!” Tou bann pilot, kapitenn bato, tou dimounn ki ti pe vwayaz lor lamer, bann marin ek peser ti dibout bien lwin ar tousala.

Revelasion 18:19

Lerla zot zet lapousier lor zot latet, zot plore “Maler, ki kalite maler lor sa gran lavil-la, so larises finn anrisi tou bann ki ena bato lor lamer, enn-er-tan ase pou fer disparet tousala.