Revelasion 15:4 - Nouvo Testaman Kreol Morisien Harmonisation NTPS KM

⁴ Segner, kisann-la pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Nouvo Testaman dan Kreol Morisien

⁴ Segner, kisannla pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Revelasion 15:4 ပူးပေါင်းရင်းမြစ်များ

Psom 105:7

LESEGNER, limem nou Bondie; li gouvern lemond antie.

Psom 111:9

Li ti donn so pep liberasion e ti fer enn lalians eternel ar zot. Li vre Bondie, li sin, li redoutab.

Psom 22:23

Zot tou ki respekte ek ador LESEGNER, donn li laglwar! Zot tou desandan Zakob, donn li tou loner! Zot tou pep Izrael, ador li avek reverans!

Psom 22:27

Ziska finfon later, zot tou pou rapel e zot tou pou retourn ver LESEGNER. Bann fami diferan tribi ek nasion pou prostern devan li ek ador li.

Psom 22:3

Pourtan tomem sel Bondie ki Sin; to lor to tronn, omilie louanz lepep Izrael.

Psom 86:9

Tou bann nasion ki to finn kree pou vinn ver twa pou prezant zot respe; zot pou glorifie to nom.

Psom 89:7

Tou kreatir lesiel per Bondie; zot tou respe Bondie ki redoutab.

Psom 97:8

Lepep Sion tann sa e li dan lazwa e bann lavil dan Zide pe selebre akoz to zizman, O Bondie.

Psom 99:5

Anou exalte LESEGNER nou Bondie; anou azenou devan so marspie pou ador li. Vremem li sin!

Psom 99:9

Anou exalte LESEGNER nou Bondie; e ador li lor so montagn sakre. LESEGNER nou Bondie, li sin.

Let pou Romin 15:9

Li ti osi vini pou ki bann non-Zwif glorifie Bondie pou so konpasion, kouma finn ekrir: “Akoz sa mo pou loue twa devan bann nasion e mo pou sant pou to loner.”

1 Pi 1:16

Lekritir dir, “Zot bizin sin parski mo sin.”

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Revelasion 14:7

Li ti dir avek enn lavwa bien for, “Soumet zot ar Bondie e donn li laglwar, letan zizman pe arive. Ador Kreater lesiel ek later, lamer ek lasours dilo dou.”

Revelasion 16:5

Alor mo tann anz ki ena lotorite lor dilo la dir, “Twa ki exis, e ki ti existe, twa ki zis, twa ki sin, To finn touletan azir ar lazistis.

Revelasion 16:7

Apre sa, mo tann enn lavwa sorti kot lotel ki dir, “Wi, Segner Bondie Toupwisan, to bann zizman, zot vre ek zis.”

Revelasion 19:2

So zizman vre ek zis, li finn ziz sa gran prostitie, ki finn sali later avek so bann konportman imoral. Li finn vanz kont li akoz disan so bann serviter.”

Revelasion 19:8

Pou so linz maryaz, zot finn donn li enn tisi fin an-lin pir, ki briye.” (Ofet tisi lin reprezant bann bon aksion pep Bondie ki sin.)

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver:

Revelasion 4:8

Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”

Revelasion 6:10

Zot ti kriye bien for, “Segner tomem Met ki sin ek veritab. Komie letan li pou pran pou ziz bann abitan later e pran to revanz pou nou disan ki finn verse?”