Revelasion 15:3 - Nouvo Testaman Kreol Morisien Harmonisation NTPS KM

³ E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Nouvo Testaman dan Kreol Morisien

³ E zot ti sant kantik Moiz, serviter Bondie ek kantik Annyo: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Revelasion 15:3 ပူးပေါင်းရင်းမြစ်များ

Psom 100:5

LESEGNER li vremem bon; so lamour infini ek eternel; so fidelite kontigne pou touzour.

Psom 105:5

Rapel bann mervey ki li finn fer, so bann mirak ek bann zizman li finn prononse,

Psom 111:2

LESEGNER finn fer bann aksion extraordiner; tou dimounn ki admir so bann explwa reflesi lor la.

Psom 111:7

Tou seki li fer, gouverne par fidelite ek lazistis; kapav fer konfians so bann instriksion.

Psom 139:14

Mo loue twa parski to finn kree mwa enn vre mervey, tou seki to fer li enn mervey, sa mo bizin rekonet.

Psom 145:17

LESEGNER, li zis dan tou seki li fer; li zenere dan tou so aksion.

Psom 145:6

Dimounn pou koz lor to pwisans redoutab, e mwa mo pou proklam to bann explwa.

Psom 18:30

Sa Bondie la, li plis ki parfe; LESEGNER so parol ena valer e kouma enn boukliye li protez seki rod so proteksion.

Psom 78:12

Divan lizie zot bann zanset Bondie ti fer bann gran mirak dan Zoan dan Lezip.

Psom 92:5

SEGNER, to bann explwa zot extra gran; to lespri li extra profon.

Psom 99:4

O Lerwa Toupwisan, to kontan seki drwat; to finn etabli lord, drwa e zistis dan Izrael.

Zn 1:17

Si par Moiz nou finn resevwar lalwa, par Zezi Kris nou finn resevwar enn lamour infini.

1 Tim 1:17

Tou loner, tou laglwar pou Bondie pou leternite. Li regne pou touzour, li invizib e li tousel Bondie. Amen.

Eb 3:5

Moiz finn fidel dan tou lakaz Bondie kouma enn serviter, pou rann temwaniaz lor bann kiksoz ki Bondie pou dir apre.

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Revelasion 11:17

Zot dir, “Nou rann twa gras Segner Bondie pli pwisan ki tou, twa ki existe e ki ti existe, parski to finn servi to gran pouvwar e koumans regne.

Revelasion 14:3

Zot ti pe sant enn kantik nouvo devan tronn e devan sa kat kreatir-la ek devan bann ansien. Personn pa ti kapav aprann sa kantik-la exsepte sa san karann-kat mil ki ti finn sove la.

Revelasion 14:8

Lerla enn deziem anz swiv premie-la e dir, “Li finn tonbe, li finn tonbe, gran Babilonn. Li ti fer tou dimounn bwar divin vis ek prostitision.”

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 19:16

Lor so linz ek lor so lazam ena enn nom ki finn ekrir: “Lerwa bann lerwa, Segner bann segner.”

Revelasion 19:2

So zizman vre ek zis, li finn ziz sa gran prostitie, ki finn sali later avek so bann konportman imoral. Li finn vanz kont li akoz disan so bann serviter.”

Revelasion 4:8

Sakenn sa kat kreatir vivan la ti ena sis lezel ranpli ar lizie andan ek otour li. Lanwit lizour, zot zame aret sante: “Sin, sin, sin limem Lesegner Bondie Toupwisan ki ti existe, ankor pe existe ek ki pe vini.”