Revelasion 14:7 - Nouvo Testaman Kreol Morisien Harmonisation NTPS KM

⁷ Li ti dir avek enn lavwa bien for, “Soumet zot ar Bondie e donn li laglwar, letan zizman pe arive. Ador Kreater lesiel ek later, lamer ek lasours dilo dou.”

Nouvo Testaman dan Kreol Morisien

⁷ Li ti dir avek enn lavwa bien for, “Soumet zot ar Bondie e donn li laglwar, letan zizman pe arive. Ador Kreater lesiel ek later, lamer ek lasours dilo dou.”

Revelasion 14:7 ပူးပေါင်းရင်းမြစ်များ

Psom 115:15

Ki LESEGNER beni zot, LESEGNER ki finn kree later ek lesiel.

Psom 124:8

Nou sekour sorti depi LESEGNER limem, kreater lesiel ek later.

Psom 33:6

LESEGNER ti kree liniver par so parol; par souf so labous li ti donn nesans soley, lalinn ek zetwal.

Psom 36:1

Dan mo leker mo mazinn koze move dimounn ki dir, “Mo pa trouve kifer bizin tranble divan Bondie.”

Psom 89:7

Tou kreatir lesiel per Bondie; zot tou respe Bondie ki redoutab.

Psom 95:5

Li regne lor lamer ki so prop kreasion; Li regne lor later osi, so lot kreasion.

Mt 25:13

Zezi kontigne, li dir: “Pran kont, parski zot pa konn ni zour, ni ler.”

Lk 17:18

Apar sa etranze-la, personn pa ti pans retourne pou glorifie Bondie?”

Zistwar Bann Zapot 14:15

“Kamarad, kifer zot pe fer sa? Nou osi nou imin, parey kouma zot, e nou amenn zot enn Bonn Nouvel: zot bizin tourn zot ledo ar sa bann zafer initil la, pou al ver Bondie vivan ki fer lesiel, later, lamer ek tou seki existe.

1 Pi 4:7

Lafin tou kiksoz pe aprose. Zot bizin serye ek disiplinn zotmem pou zot kapav priye.

Revelasion 11:13

Anmemtan ti ena enn gran tranbleman-de-ter, e enn diziem lavil ti kraze net; set mil dimounn ti mor dan tranbleman-de-ter-la. Bann sirvivan ti terifie e zot ti pe glorifie Bondie lesiel.

Revelasion 11:18

Bann nasion ti araze, me aster-la to lakoler ki pe manifeste, enn moman zizman pou bann mor, enn moman rekonpans pou bann profet ki servi twa, pep ki konsakre pou twa, e tou bann ki respekte to nom, so gran kouma so tipti, e pou detrir bann ki detrir later.”

Revelasion 15:4

Segner, kisann-la pou oze mank twa respe, e refiz glorifie to nom? Parski to tousel ki sin, tou bann nasion pou vinn kot twa pou ador twa, parski to finn montre ki to ziz avek drwatir.”

Revelasion 16:9

Dimounn ti pe brile par enn saler terib. Zot ti modi nom Bondie ki ena lotorite lor sa bann fleo-la, e zot pa ti sanz zot konportman pou glorifie Bondie.

Revelasion 18:10

Zot pou dibout lwin apar, zot pou per bann tourman ki li pou sibir e zot pou dir: “Maler! Maler! Gran lavil Babilonn, lavil pwisan. Dan enn-er-tan to pou gagn to santans.”

Revelasion 18:17

Enn-er-tan ase pou detrir tou sa bann larises-la!” Tou bann pilot, kapitenn bato, tou dimounn ki ti pe vwayaz lor lamer, bann marin ek peser ti dibout bien lwin ar tousala.

Revelasion 18:19

Lerla zot zet lapousier lor zot latet, zot plore “Maler, ki kalite maler lor sa gran lavil-la, so larises finn anrisi tou bann ki ena bato lor lamer, enn-er-tan ase pou fer disparet tousala.

Revelasion 19:5

Enn lavwa sorti depi tronn e dir, “Loue nou Bondie, zot ki so bann serviter, gran kouma piti, ki respekte li.”

Revelasion 4:11

“Segner Bondie, to merit resevwar laglwar, ek loner ek pwisans parski tomem ki finn kree tou kitsoz, to ti anvi ki zot existe alor zot finn vinn realite.”

Revelasion 4:9

Sak fwa ki bann kreatir vivan la selebre laglwar ek loner e remersi Sa-Enn ki asiz lor tronn e ki viv pou touletan la,

Revelasion 8:10

Trwaziem anz-la soufle so tronpet e enn gro zetwal ti tom depi lesiel. Zetwal-la brile koumadir enn tors e li tom lor enn tier bann larivier ek lor lasours delo.