Revelasion 14:11 - Nouvo Testaman Kreol Morisien Harmonisation NTPS KM

¹¹ Lafime zot tourman mont lao pou touzour. Pena repo, ni lizour, ni lanwit pou bann ki ador bebet ek so zimaz e tou seki finn resevwar mark so nom.”

Nouvo Testaman dan Kreol Morisien

¹¹ Lafime zot tourman mont lao pou touzour. Pena repo, ni lizour, ni lanwit pou bann ki ador bebet ek so zimaz e tou ki finn resevwar mark so nom.”

Revelasion 14:11 ပူးပေါင်းရင်းမြစ်များ

Revelasion 19:3

Ankor enn fwa li repete, “Alelouya! Lafime so dife pe monte pou touzour.”

Revelasion 20:10

Lerla, zot ti zet Satan, ki ti sedwir tou dimounn, dan landrwa kot dife ek souf ti pe brile; dan sa landrwa lamem zot ti zet bebet ek fos profet la. Lanwit-lizour zot pou tourmante pou touzour.

Mt 25:46

E sa bann-la pou pini pou touletan, me bann zis, zot pou gagn lavi eternel.”

Mt 25:41

Apre lerwa pou dir bann ki dan so kote gos: ‘Al lwin ar mwa zot modi! Al dan dife eternel ki pa pou zame tengn e ki finn prepare pou Satan ek so bann asosie.

Revelasion 18:18

Ler zot trouv lafime lavil pe brile, zot ti kriye; “Zame pa pou ena enn lavil gran kouma sa lavil-la!”

Revelasion 14:9

Apre sa, enn trwaziem anz swiv sa de premie-la e li kriye bien for, “Bann ki ador bebet ek so zimaz, e ki resevwar enn mark lor zot fron ou lor zot lame,

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Revelasion 7:12

Zot dir, “Amen! Louanz, laglwar, lasazes, rekonesans, loner, pwisans ek lafors pou Bondie pou touzour ek touzour, Amen”

Eb 1:8

Me lor so Garson, Bondie finn dir, “Bondie, to tronn li pou res pou touzour. Dan lazistis to pou gouvern to rwayom.

Psom 145:1

Mo pou proklam to grander O Bondie, mo Lerwa; mo pou loue twa aster, pli divan, touletan.

Psom 10:16

LESEGNER, limem Lerwa pou leternite. Bann ki priye lezot bondie pa pou ena plas dan pei LESEGNER.

Revelasion 22:5

Nepli pou ena lanwit; personn pa pou bizin lalimier flanbo ou lalimier soley; Lesegner Bondie, limem pou zot lalimier, e zot pou regne pou touzour.

Revelasion 13:12

Li ti exers tou pouvwar sa premie bebet-la dan so prezans. Li ti fors later ek tou so bann abitan ador sa premie bebet ki so blesir ti finn geri la.

Mt 11:28

Vinn kot mwa zot tou ki fatige, ki pe sarye enn fardo bien lour, mo pou donn zot repo.

Revelasion 13:15

Li ti gagn drwa pou anim zimaz bebet-la ziska fer li koze e fer li kapav touy tou bann ki pa ti ador li.

Revelasion 13:17

E personn pa ti kapav aste ou vande si li pa ti ena sa mark-la, nom bebet-la ou nimero so nom.

Revelasion 18:9

Alor bann lerwa lor later ki finn fer prostitision e viv dan larises avek li, pou plore ek fer dey letan zot pou trouv lavil-la brile.