Revelasion 12:1 - Nouvo Testaman Kreol Morisien Harmonisation NTPS KM

¹ Enn gran sign paret dan lesiel: enn fam ki ti abiye avek soley, lalinn anba so lipie, e lor so latet enn kouronn douz zetwal.

Nouvo Testaman dan Kreol Morisien

¹ Enn gran sign paret dan lesiel: enn fam ki ti abiye avek soley, lalinn anba so lipie, e lor so latet enn kouronn douz zetwal.

Revelasion 12:1 ပူးပေါင်းရင်းမြစ်များ

Psom 104:2

lalimier anvlop twa kouma enn manto. To finn kree lesiel kouma enn latant zean

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Mt 12:38

De-trwa dokter lalwa ek Farizien dir ar Zezi, “Met, nou ti anvi to donn nou enn sign.”

Mt 24:30

Lerla sign Garson Limanite pou paret dan lesiel; tou bann tribi lor later pou fer dey e zot pou trouv Garson Limanite vini dan niaz avek boukou pwisans ek laglwar.

Mk 13:25

zetwal pou koumans degringole e tou bann pwisans dan lesiel pou sakouye.

Lk 21:11

Pou ena bann tranbleman-de-ter terib ek lafaminn dan boukou landrwa ek bann lepidemi; pou ena osi bann gran sign terifian dan lesiel.

Lk 21:25

Pou ena bann sign dan soley, lalinn ek zetwal; lor later bann pei pou viv dan langwas; zot pa pou kone ki pou fer letan zot tann tapaz violan lamer e fraka bann vag.

Zn 3:29

Nouvo marye, limem ki ena lamarye; kamarad nouvo marye nek zis debout pre ar li e ekout li; kamarad-la dan lazwa letan li tann lavwa nouvo marye. Akoz samem aster, mo lazwa li bien-bien gran.

Zistwar Bann Zapot 2:19

Mo pou fer bann mervey dan lesiel lao e bann sign mirak anba lor later, pou ena disan, dife, ek niaz lafime,

Let pou Romin 13:14

Plito pran lor zot tou seki Lesegner Zezi Kris pe ofer e pa les zot antrene par zot prop natir pou satisfer so dezir.

Let pou Romin 3:22

Bondie rann nou zis devan li par lafwa ki nou ena dan Zezi Kris. Li tret tou dimounn egal,

2 Ko 11:2

Mo ena zalouzi pou zot, otan ki Bondie ena. Mo ti finn promet pou marye zot ar enn sel mari, Lekris, e mo dezir prezant zot ar li kouma enn zennfi vierz.

Ga 3:27

Zot tou finn batize dan Kris e zot finn abiy zot avek Kris parey kouma zot met enn linz nef.

Ga 4:26

Me Zerizalem ki lao dan lesiel, li lib e limem nou mama.

Ga 6:14

Abe mwa, mo pou fer vantar akoz lakrwa nou Segner Zezi Kris; par sa lakrwa-la lemond finn fini krisifie pou mwa e mo finn fini krisifie pou lemond.

Ef 5:32

Sa mister-la li bien gran; mwa mo dir ki sa ena pou fer avek Lekris e so Legliz.

Revelasion 1:20

Ala sinifikasion mister sa set zetwal ek set sandelie an-or ki zot ti trouve dan mo lame drwat. Sa set zetwal-la reprezant bann anz, e sa set lalanp-la reprezant set Legliz.”

Revelasion 11:19

Tanp Bondie dan lesiel ti ouver e kof lalians paret; lerla zekler eklate, loraz fer tapaz e ti ena tranbleman-de-ter ek gro-gro lagrel.

Revelasion 12:3

Lerla enn lot sign paret dan lesiel: enn gran dragon rouz, avek set latet ek dis korn, e set kouronn lor so bann latet.

Revelasion 15:1

Apre sa, mo trouv enn lot gran sign etonan dan lesiel: set anz avek set fleo, zotmem dernie parmi bann dernie fleo. Ofet atraver zot, lakoler Bondie pou ariv so pwin final.

Revelasion 21:14

E miray lavil-la ti ena douz fondasion, e lor sak fondasion ti ena nom douz Zapot Agno Bondie.

Revelasion 21:23

Lavil-la pa ti bizin soley ouswa lalinn pou ekler li. Laglwar Bondie so lalimier e Agno Bondie so flanbo.