Revelasion 11:19 - Nouvo Testaman Kreol Morisien Harmonisation NTPS KM

¹⁹ Tanp Bondie dan lesiel ti ouver e kof lalians paret; lerla zekler eklate, loraz fer tapaz e ti ena tranbleman-de-ter ek gro-gro lagrel.

Nouvo Testaman dan Kreol Morisien

¹⁹ Tanp Bondie dan lesiel ti ouver e kof lalians paret; lerla zekler eklate, loraz fer tapaz e ti ena tranblemandeter ek gro-gro lagrel.

Revelasion 11:19 ပူးပေါင်းရင်းမြစ်များ

Psom 105:32

Li avoy lagrel olie avoy lapli ek zekler ti eklate partou;

Psom 18:12

Enn lalimier bien for ti divan li, lagrel ek labrez anflame ki ti pers bann niaz.

Revelasion 11:13

Anmemtan ti ena enn gran tranbleman-de-ter, e enn diziem lavil ti kraze net; set mil dimounn ti mor dan tranbleman-de-ter-la. Bann sirvivan ti terifie e zot ti pe glorifie Bondie lesiel.

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Revelasion 12:1

Enn gran sign paret dan lesiel: enn fam ki ti abiye avek soley, lalinn anba so lipie, e lor so latet enn kouronn douz zetwal.

Revelasion 16:1

Apre sa, mo tann enn lavwa for sorti dan Tanp e ti pe dir sa set anz-la, “Al vers set koup lakoler Bondie lor later.”

Revelasion 16:18

Alor ti ena zekler, tapaz lavwa, loraz e enn gran tranbleman-de-ter telman violan ki zame sa pa finn arive depi kreasion bann imin lor later.

Revelasion 16:21

Boul lagrel ki pez ziska san liv ti tom lor bann dimounn depi lesiel. Bann dimounn ti insilte Bondie akoz sa fleo lagrel-la ti vremem redoutab.

Revelasion 19:11

Lerla mo trouv lesiel ouver e enn seval blan paret. So kavalie ti apel Fidel ek Verite. Li drwat dan so zizman e li konbat avek lazistis.

Revelasion 4:1

Apre mo fer enn lot vizion. Mo trouv enn laport ouver dan lesiel. Premie lavwa ki mo ti tande la koz ar mwa kouma enn tronpet; li dir, “Monte, vinn isi, mo pou montre twa seki pou arive apre sa.”

Revelasion 4:5

Ti ena zekler, enn pake tapaz, kout toner e devan tronn-la set flanbo ti pe brile; samem set lespri Bondie.

Revelasion 7:15

Akoz samem zot devan tronn Bondie e zot pe ador li lanwit-lizour dan so Tanp. Sa-Enn ki pe asiz lor tronn-la pou protez zot.

Revelasion 8:5

Apre anz-la pran lansanswar, li ranpli li ar dife ki sorti lor lotel e li avoy sa lor later; e ti ena kout toner, loraz, zekler ek tranbleman-de-ter.

Revelasion 8:7

Premie anz-la ti soufle so tronpet, lerla lagrel ek dife melanze avek disan ti tom lor later. Enn tier lemond ti brile, enn tier bann zarb ti brile e enn tier lerb ver ti brile.