Revelasion 11:18 - Nouvo Testaman Kreol Morisien Harmonisation NTPS KM

¹⁸ Bann nasion ti araze, me aster-la to lakoler ki pe manifeste, enn moman zizman pou bann mor, enn moman rekonpans pou bann profet ki servi twa, pep ki konsakre pou twa, e tou bann ki respekte to nom, so gran kouma so tipti, e pou detrir bann ki detrir later.”

Nouvo Testaman dan Kreol Morisien

¹⁸ Bann nasion ti araze, me asterla to lakoler ki pe manifeste, enn moman zizman pou bann mor, enn moman rekonpans pou bann profet ki servi twa, pep ki konsakre pou twa, e tou bann ki respekte to nom, so gran kouma so tipti, e pou detrir bann ki detrir later.”

Revelasion 11:18 ပူးပေါင်းရင်းမြစ်များ

Psom 103:11

So lamour infini pou dimounn ki onor li, li osi ot ek gran ki lesiel ete konpare ar later.

Psom 110:5

LESEGNER pe asiz dan ou kote drwat; kan so koler pran li, li rakle bann lerwa.

Psom 147:11

Li prefer bann ki onor li, bann ki fer konfians so lamour infini.

Psom 2:5

Li averti zot dan so gran lakoler, e laflam so lakoler fer zot tranble.

Psom 85:9

Nou kone ki li pou sov bann ki onor li e so laglwar pou touletan la dan nou pei.

Mt 5:12

Zot bizin dan lazwa e santi zot ere parski zot ena enn rekonpans dan lesiel; koumsa mem zot ti persekit bann ansien profet.

Lk 1:50

Li montre so mizerikord pou dimounn ki onor li, zenerasion apre zenerasion.

Eb 9:27

Parey kouma tou dimounn pou bizin mor enn sel fwa, apre sa Bondie pou ziz zot.

Revelasion 10:7

Me ler setiem anz pou soufle so tronpet, mister Bondie pou akonpli kouma li ti anonse par so bann serviter profet.”

Revelasion 11:2

Me pa bizin mizir lakour andeor Tanp; kit sa parti-la parski finn donn li bann nasion ki pou kraz sa lavil sin-la pandan karann-de-z-an.

Revelasion 13:10

Si kikenn finn fer pou vinn prizonie, li pou al dan prizon; si kikenn finn fer pou mor avek lepe, li pou mor avek lepe. Ala enn lapel pou landirans ek lafwa pou lepep Bondie.

Revelasion 13:16

Li ti obliz tou dimounn, ki li tipti ou gran, ris ou pov, lib ou esklav, pou resevwar enn mark, swa lor zot lame drwat swa lor zot fron.

Revelasion 14:10

zot osi pou bwar divin lakoler Bondie ki pou verse, san fer okenn melanz, dan koup lakoler Bondie. Zot pou tourmante avek dife ek souf dan prezans bann anz sin ek Agno.

Revelasion 15:1

Apre sa, mo trouv enn lot gran sign etonan dan lesiel: set anz avek set fleo, zotmem dernie parmi bann dernie fleo. Ofet atraver zot, lakoler Bondie pou ariv so pwin final.

Revelasion 15:7

Enn parmi sa kat kreatir vivan la donn sa set anz-la set koup an-or plin ar lakoler Bondie, ki viv pou touzour.

Revelasion 18:6

Tret li parey kouma li finn tret lezot, rann li de fwa seki li finn fer; Melanz enn labwason de fwa pli for pou li.

Revelasion 19:15

Enn lepe transan sorti dan so labous e tap bann nasion. Li pou diriz zot avek enn baton lasie; li pou kraz rezin dan preswar kot divin lakoler Bondie Toupwisan pe bouyone.

Revelasion 19:18

Vini, vinn manz laser bann lerwa, laser bann zeneral, laser bann gran sef, laser seval ek kavalie, laser tou dimounn, seki lib ek esklav, tipti kouma gran.”

Revelasion 19:5

Enn lavwa sorti depi tronn e dir, “Loue nou Bondie, zot ki so bann serviter, gran kouma piti, ki respekte li.”

Revelasion 20:12

Lerla mo trouv bann mor, bann tipti kouma bann gran pe debout devan tronn e zot ouver enn bann liv. Enn lot liv ki apel liv lavi ti osi ouver e bann mor ti zize dapre seki zot ti fer, dan manier ki finn ekrir dan bann liv-la.

Revelasion 20:15

Dimounn ki so nom pa ti ekrir dan liv lavi, ti zet li dan basin dife.

Revelasion 22:12

Ala mo pe vini biento. Mo pe amenn mo rekonpans ki mo pou donn zot tou pou seki zot finn fer.