Revelasion 11:17 - Nouvo Testaman Kreol Morisien Harmonisation NTPS KM

¹⁷ Zot dir, “Nou rann twa gras Segner Bondie pli pwisan ki tou, twa ki existe e ki ti existe, parski to finn servi to gran pouvwar e koumans regne.

Nouvo Testaman dan Kreol Morisien

¹⁷ Zot dir, “Nou rann twa gras Segner Bondie pli pwisan ki tou, twa ki exis e ki ti existe, parski to finn servi to gran pouvwar e koumans regne.

Revelasion 11:17 ပူးပေါင်းရင်းမြစ်များ

Psom 21:13

Lev twa SEGNER, montre to pwisans! Nou, nou pou sante ek nou pou loue to pouvwar.

Psom 57:11

Bondie, montre to grander ki depas lesiel; montre to laglwar partou lor later.

Mt 11:25

Sa mem lepok-la Zezi dir “Mo remersie twa, Papa, Segner lesiel ek later, parski to pa finn montre sa bann kiksoz-la bann saz ek bann intelizan, me to finn revel zot ar bann pli tipti.

Lk 10:21

Lerla mem, Zezi, ranpli dan lazwa Lespri Sin dir, “Papa, Segner lesiel ek later, mo remersie twa parski to finn fer bann tipti konn kiksoz ki to finn kasiet bann saz ek bann intelizan. Wi, papa, samem to volonte.

Zn 11:41

Lerla zot tir ros-la. Zezi lev so lizie lao e li dir, “Papa, mo rann twa gras parski to finn ekout mwa.

2 Ko 2:14

Nou loue Bondie parski li touletan antrenn nou dan kortez viktwar Lekris. Bondie servi nou pou fer konn Lekris partou kouma enn parfin ki fane partou.

2 Ko 9:15

Anou loue Bondie pou so don inkonparab!

1 Tim 1:12

Mo rann gras Zezi Kris nou Segner, mo lafors, parski li finn fer mwa konfians, li finn swazir mwa kouma so serviter.

Revelasion 1:4

Ala mesaz ki Zan pe avoy set Legliz dan provins Lazi: Lagras ek lape Bondie ki existe, ki ti existe e ki pou vini; mesaz sorti osi kot sa set lespri devan tronn,

Revelasion 1:8

“Mo mem Alfa ek Omega,” deklar Lesegner Bondie ki existe, ki ti existe e ki pou vini.

Revelasion 11:15

Lerla setiem anz soufle so tronpet, e ti ena bann lavwa bien for dan lesiel ki ti dir, “Aster-la rwayom lemond finn rant anba pouvwar Bondie nou Segner ek so Mesi. Li pou regne pou touzour.”

Revelasion 15:3

E zot ti sant kantik Moiz, serviter Bondie ek kantik Agno: “Segner Bondie Toupwisan, to travay li gran, li enn mervey! Lerwa bann nasion, to sime li drwat, li vre!

Revelasion 16:14

Sa ti bann lespri demon ki fer bann mirak. Zot al rod bann lerwa lemond antie, pou rasanble zot pou lager kan gran zour Bondie Toupwisan arive.

Revelasion 16:5

Alor mo tann anz ki ena lotorite lor dilo la dir, “Twa ki exis, e ki ti existe, twa ki zis, twa ki sin, To finn touletan azir ar lazistis.

Revelasion 16:7

Apre sa, mo tann enn lavwa sorti kot lotel ki dir, “Wi, Segner Bondie Toupwisan, to bann zizman, zot vre ek zis.”

Revelasion 18:8

Akoz samem tou bann fleo ki finn rezerve pou li, pou tom lor li dan enn sel zour: maladi mortel, dey ek lafaminn, e dife pou detrir li. Wi Segner Bondie, li for e limem ki pou ziz li.”

Revelasion 19:11

Lerla mo trouv lesiel ouver e enn seval blan paret. So kavalie ti apel Fidel ek Verite. Li drwat dan so zizman e li konbat avek lazistis.

Revelasion 19:6

Lerla mo tann enn lavwa koumadir enn gran lafoul dimounn, ondire tapaz vag lamer ek loraz, ki pe kriye, pe dir, “Alelouya! parski nou Segner Bondie Toupwisan, li regne.