Revelasion 1:18 - Nouvo Testaman Kreol Morisien Harmonisation NTPS KM

¹⁸ momem lasours lavi, mo ti finn mor, aster-la gete, mo vivan pou leternite; e mo ena pouvwar lor lamor e mo posed lakle laport Ades.

Nouvo Testaman dan Kreol Morisien

¹⁸ momem lasours lavi, mo ti finn mor, asterla gete, mo vivan pou leternite; e mo ena pouvwar lor lamor e mo posed lakle laport Ades.

Revelasion 1:18 ပူးပေါင်းရင်းမြစ်များ

Psom 18:46

Mo SEGNER li vivan! Mo loue mo Bondie solid! Mo loue Bondie ki finn sov mwa!

Psom 68:20

Nou Bondie, li enn Bondie ki donn delivrans; BONDIE Lesegner, ki sap nou dan lamor.

Mt 11:23

Twa Kafarnaom, eski to krwar to pou mont drwat dan lesiel? To pou desann ziska dan lanfer parski si sa bann mirak ki finn arive kot twa la, ti deroul dan Sodom, ziska zordi sa lavil-la ti pou ankor existe.

Mt 16:19

Mo pou donn twa lakle rwayom lesiel, e tou seki to atase lor later pou atase dan lesiel e tou seki to large lor later pou large dan lesiel.”

Lk 24:5

Kouma zot ti pe gagn per e zot ti pe bes zot latet anba, sa de zom-la dir zot, “Kifer zot pe rod enn dimounn vivan parmi bann mor;

Zn 11:25

Zezi dir li, “Momem larezireksion, momem lavi; dimounn ki krwar dan mwa pou viv mem si li finn mor.

Zn 14:19

Dan enn tigit letan ankor, lemond nepli pou trouv mwa me zot, zot pou kontigne trouv mwa parski mo pou viv e zot osi zot pou viv.

Let pou Romin 6:9

Parski nou kone ki depi ki li finn resisite, Lekris pa pou mor ankor; lamor nepli ena pouvwar lor li.

2 Ko 13:4

Letan ti krisifie li, li ti dan febles, me aster-la li vivan par pwisans Bondie. Dan Lekris nou osi nou feb, me par pwisans Bondie nou pou vivan avek li pou zot.

Ga 2:20

alor, li nepli mwa ki pe viv, me Kris ki pe viv dan mwa. Lavi ki mo pe viv aster-la kouma enn imin, mo viv li par lafwa dan Garson Bondie, ki kontan mwa e finn donn so lavi pou mwa.

Let pou Kolosien 3:3

Zot finn mor e zot lavi finn kasiet avek Lekris dan Bondie.

Eb 1:3

Li reflet laglwar Bondie e li reprezant exakteman natir Bondie ki siport liniver par pwisans so parol. Apre ki li finn pirifie pese tou bann imin, li finn asiz dan kote drwat Bondie ki nou sel gran Segner dan lesiel.

Eb 12:2

Anou gard nou lizie fixe lor Zezi Kris, limem ki finn fer nou lafwa komanse e ki pou rann li parfe. Pou lazwa ki ti pe atann li, li finn soufer lor lakrwa san pran kont laont ki sa fer, e li finn asiz dan kote drwat tronn Bondie.

Eb 7:16

kikenn ki finn vinn pret, pa par bann regleman legal konsernan so desandans imin, me par pouvwar enn lavi ki pa kapav detrir.

Eb 7:25

Alor, samem li kapav sov dimounn ki vinn kot Bondie atraver li, parski li touzour vivan pou pled dan zot faver.

Revelasion 10:6

e li fer enn serman lor nom Bondie vivan pou touzour, ki finn kree lesiel ek tou seki ladan, later ek tou seki ladan, ek lamer ek tou seki ladan: “Pa pou ena okenn retar ankor.

Revelasion 15:7

Enn parmi sa kat kreatir vivan la donn sa set anz-la set koup an-or plin ar lakoler Bondie, ki viv pou touzour.

Revelasion 2:8

Let ki finn ekrir pou anz dan Legliz Smirn: “Sa-enn ki premie ek dernie ki ti finn mor e ki finn resisite la deklare:

Revelasion 20:13

Lamer ti retourn tou bann mor ki li ti kontenir; lamor ek Ades ti retourn bann kadav, e sakenn ti zize dapre seki li ti fer.

Revelasion 20:14

Apre, ti zet lamor ek Ades dan basin dife. Basin dife, samem deziem lamor.

Revelasion 3:7

Let ki finn ekrir pou anz dan Legliz Filadelfi: “Sa-enn ki sin ek vre, ki ena lakle David, li ouver e personn pa kapav ferme, li ferme e personn pa kapav ouver:

Revelasion 4:9

Sak fwa ki bann kreatir vivan la selebre laglwar ek loner e remersi Sa-Enn ki asiz lor tronn e ki viv pou touletan la,

Revelasion 5:14

Sa kat kreatir vivan la ti dir, “Amen!” Lerla bann ansien tom azenou pou adore.

Revelasion 6:8

Mo gete e mo trouv enn seval ver pal. Dimounn ki ti pe mont li la apel Lamor, e Ades ti pe swiv li. Ti donn zot lotorite lor enn kar later, pou touy avek lepe, lafaminn, lepidemi e par bann zanimo sovaz.

Revelasion 9:1

Alor, sinkiem anz-la ti soufle so tronpet; mo ti trouv enn zetwal sorti dan lesiel tom lor later. Zot ti donn anz-la lakle pwi-san-fon.