Psom 40:11 - Nouvo Testaman Kreol Morisien Harmonisation NTPS KM

¹¹ Pa refiz mwa to konpasion, SEGNER, ki to lamour infini ek to laverite touletan protez mwa.

Kreol Morisyen OT Portions

¹¹ Pa refiz mwa to konpasion, SEGNER, ki to lamour infini ek to laverite toultan protez mwa.

Psom 40:11 ပူးပေါင်းရင်းမြစ်များ

Psom 23:6

Mo kone ki to bonte ek to lamour pou akonpagn mwa toulezour mo lavi, e mo pou res dan lakaz mo SEGNER osi lontan ki mo viv.

Psom 43:3

Avoy to lalimier ek to laverite; fer zot gid mwa lor sime ki amenn nou ver Sion, montagn sakre, e dan to Tanp kot to reste.

Psom 57:3

Depi so tronn dan lesiel li pou ekout mwa e li pou sov mwa e bann ki persekit mwa pou kouver ar laont. Bondie pou montre so lamour infini ek so fidelite.

Psom 61:7

Fer ki so regn dire pandan lontan ankor parski to finn beni li. Ki to fidelite ek to lamour prezerv li.

Psom 69:13

Me mwa, SEGNER, mo priye twa. Bondie, dan letan ki twa to trouv bon, reponn mwa, dan labondans to lamour infini, twa ki fidel pou sov nou.

Psom 69:16

Reponn mwa, SEGNER, dan to lamour infini; dan to mizerikord tourn ver mwa.

Psom 85:10

Lamour infini ek fidelite pou mars lame dan lame; Drwatir ek lape pou existe kotakot.

Psom 89:2

Mo kone ki to lamour infini li etabli pou touletan; ki to fidelite li eternel ek permanan kouma lesiel.

Proverb 20:28

Enn lerwa res opouvwar kan li bon ek onet; so fidelite rann so tronn pli solid.

Eb 5:7

Pandan so lavi lor later, Zezi finn priye bien for ziska vers so larm, li finn sipliy Sa-Enn ki kapav sov li depi lamor, e so lapriyer ti exose akoz so soumision.