Psom 37:14 - Nouvo Testaman Kreol Morisien Harmonisation NTPS KM

¹⁴ Bann move dimounn fit kouto, prepar zarm pou touy bann pov e bann malere; pou asasinn bann ki viv lavi drwat;

Kreol Morisyen OT Portions

¹⁴ Bann move dimoun fit kouto, prepar zarm pou touy bann pov e bann malere; pou asasinn bann ki viv lavi drwat;

Psom 37:14 ပူးပေါင်းရင်းမြစ်များ

Psom 11:2

parski move dimounn pe prepar zot zarm, zot finn plas zot fles dan ark, zot kasiet dan nwar, zot pe viz leker bon dimounn.

Psom 35:10

Ar lazwa dan leker mo pou dir for-for, “SEGNER, pena to segon! To anpes seki for fer dominer ar seki feb; To anpes bann ris kraz seki pov.”

Proverb 29:10

Bann asasin deteste dimounn onet; me bann zis protez zot.

Proverb 29:27

Bann dimounn onet ay linzistis; me bann malfeter ay dimounn onet.

Zistwar Bann Zapot 12:11

Lerla Pier rann li kont ki finn arive. Li dir, “Aster mo sir ki Lesegner finn avoy so anz pou tir mwa dan lame Erod. Li finn protez mwa kont tou dimal ki lepep Zwif ti pe anvi ariv mwa.”

Zistwar Bann Zapot 12:23

Anplas enn anz Lesegner zet Erod anba parski li pa finn glorifie Bondie, me finn pran loner-la pou li. Lever manz li e li mor.

Zistwar Bann Zapot 7:52

Dan tou bann profet, lekel zot gran dimounn napa finn persekite? Zot finn mem touy bann ki ti pe anonse an avans ki Lemesi pou vini. Aster-la zot ki la, ki finn trayir Lemesi ek zot finn asasinn li.

1 Zn 3:12

Fode pa ki nou fer kouma Kain, ki ti ena diab dan li e li ti touy so frer. Kifer li finn touy li? Parski bann aksion Kain ti move e seki pou so frer ti zis.