Psom 33:5 - Nouvo Testaman Kreol Morisien Harmonisation NTPS KM

⁵ LESEGNER kontan tou seki drwat ek zis; So lamour infini prezan partou lor later.

Kreol Morisyen OT Portions

⁵ LESEGNER kontan tou seki drwat ek zis; So lamour infini prezan partou lor later.

Psom 33:5 ပူးပေါင်းရင်းမြစ်များ

Psom 104:24

SEGNER, to finn fer otan kiksoz extra! Sak kiksoz finn kree par to sazes. Later ranpli ar enn trale kreatir ki to finn kree.

Psom 11:7

Parski LESEGNER limem drwatir, li kontan bann aksion ki zis, bann ki viv drwat pou viv dan so prezans.

Psom 119:64

SEGNER, liniver ranpli ar to lamour infini; gid mwa atraver to lansegnman.

Psom 45:7

ou kontan lazistis; ou deteste seki move. Akoz sa Bondie, ou Bondie, finn swazir ou, e finn aroz lor ou latet delwil benediksion, lonksion ki okenn lezot lerwa pa finn resevwar.

Psom 99:4

O Lerwa Toupwisan, to kontan seki drwat; to finn etabli lord, drwa e zistis dan Izrael.

Mt 5:45

E zot pou vinn zanfan zot Papa ki dan lesiel, parski li fer so soley lev lor bann bon kouma lor bann move e li fer lapli tom lor bann zis kouma lor bann inzis.

Zistwar Bann Zapot 14:17

pourtan li finn touletan rann temwaniaz lor so lexistans par so bann bienfe. Depi lesiel li avoy lapli ek bon rekolt, koumsa li finn donn zot manze e fer zot leker kontan.”

Eb 1:9

To kontan seki drwat e to deteste seki move. Akoz samem Bondie, to Bondie, finn konsakre twa; avek enn delwil sin li finn donn twa lonksion; li finn rann twa pli zwaye ki to bann kamarad.”