Psom 119:1 - Nouvo Testaman Kreol Morisien Harmonisation NTPS KM

¹ Bienere bann ki amenn enn lavi san repros, ki viv dapre lalwa LESEGNER.

Kreol Morisyen OT Portions

¹ Bienere bann ki amenn enn lavi san repros, ki viv dapre lalwa LESEGNER.

Psom 119:1 ပူးပေါင်းရင်းမြစ်များ

Psom 101:2

Mo pou viv enn lavi san fot. Kan to pou vinn ver mwa? Mo pou viv enn lavi prop san repros dan lakaz kot mo gouverne.

Psom 101:6

Mo pou dan faver bann ki res fidel ar Bondie e pou ena plas pou zot kot mwa. Zis bann ki onet dan zot manier viv pou gagn drwa servi mwa.

Psom 112:1

Alelouya, nou sant louanz LESEGNER! Bienere dimounn ki onor LESEGNER, ki obeir so lansegnman ar plezir.

Psom 128:1

Bienere tou dimounn ki ena respe pou LESEGNER, bann ki swiv sime li finn trase.

Proverb 11:20

LESEGNER deteste bann dimounn ki ena leker sal; me bann ki viv drwat fer li plezir.

Proverb 13:6

Lonette, li enn proteksion pou bann dimounn drwat; pese bann malfeter amenn zot larwinn.

Proverb 29:18

Kan dirizan pena vizion, lepep pena kontrol; me bienere dimounn ki respekte lalwa Bondie.

Lk 1:6

Toule-de ti pe viv drwat devan Bondie, parski zot ti pe swiv lalwa ek so bann komannman kouma bizin.

Lk 11:28

Me Zezi reponn li, “Bienere plito seki ekout Parol Bondie e obeir li!”

Zn 1:47

Ler Zezi trouv Natanael pe vini, li dir, “Sa enn vre Izraelit, sa. Pena defo dan li.”

Zn 13:17

Si aster zot finn konn tousala, zot pou bienere si zot met sa an pratik.

Zistwar Bann Zapot 24:16

Akoz samem mo finn touletan fer tou mo posib pou ki mo konsians kler devan Bondie ek devan bann zom.

2 Ko 1:12

Rasinn nou fierte, se temwaniaz nou konsians: nou konportman dan lemond e avek zot li nouri par sinserite ek pirte ki Bondie donn nou. Nou pa gide par sazes imin me par lagras Bondie.

Let Zak 1:25

Me dimounn ki persevere pou examinn vre lalwa, lalwa laliberte, e li kontign ladan avek fidelite, li pa zis kontant li ekoute, me li osi met parol-la an pratik, abe sa dimounn-la li pou beni dan tou seki li fer.

Revelasion 22:14

Bienere dimounn ki lav so rob pou li gagn drwa manz fri pie lavi e rant dan lavil par so bann laport.