Proverb 30:5 - Nouvo Testaman Kreol Morisien Harmonisation NTPS KM

⁵ Tou seki Bondie dir, li vre; li enn boukliye pou dimounn ki rod so sekour.

Kreol Morisyen OT Portions

⁵ Tou seki Bondie dir, li vre; li enn boukliye pou dimoun ki rod so sekour.

Proverb 30:5 ပူးပေါင်းရင်းမြစ်များ

Psom 119:140

To promes finn pas tou leprev. Sa mo lavi sa, mo pli gran trezor!

Psom 12:6

Nou fer konfians promes LESEGNER, so parol kler ek prop kouma larzan, enn metal presie ki finn pirifie set fwa dan dife laforz.

Psom 144:2

Limem mo protekter ek mo boukliye, mo sitadel ek mo liberater, mo boukliye, mo abrit mwa deryer li. Limem ki soumet bann pep sou mo kontrol.

Psom 18:2

LESEGNER, limem mo sitadel, mo veritab fortres, mo liberater, mo Bondie, sitadel kot mo santi mwa an sekirite, boukliye ki protez mwa, ki defann mwa, ki sov mwa.

Psom 18:30

Sa Bondie la, li plis ki parfe; LESEGNER so parol ena valer e kouma enn boukliye li protez seki rod so proteksion.

Psom 18:31

LESEGNER tousel ki Bondie! Bondie tousel kapav defann nou.

Psom 19:8

Instriksion LESEGNER li drwat ek zis, li ranpli leker ar lazwa. Komannman LESEGNER bien kler li ouver nou lizie.

Psom 3:3

Me twa, SEGNER, to touzour boukliye ki protez mwa; to sov mo loner, to relev mo latet.

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Psom 91:2

li kapav dir LESEGNER, “Tomem mo labri ek mo fortres. Tomem mo Bondie ki mo fer konfians.”

Proverb 2:7

Li enn gran proteksion pou dimounn drwat; li enn boukliye pou dimounn onet.

Proverb 29:25

Si nou per lezot, nou lavi pieze; me si nou fer LESEGNER konfians, nou an-sekirite.

Let pou Romin 7:12

Alor, lalwa li sin, e komannman li sin, drwat ek bon.

Let Zak 3:17

Me lasazes ki sorti depi lao, avan tou li pir; li osi pasifik, dou, amikal; li ranpli ar konpasion e li prodir boukou bon aksion san okenn tras partipri ou ipokrizi.