Proverb 30:15 - Nouvo Testaman Kreol Morisien Harmonisation NTPS KM

^15-16 Enn sansi ti ena de zanfan; zot ti zis konn dir: “Donn ankor! Donn ankor!” Ena trwa kitsoz ki zame pa satisfe: lamor, enn fam steril, ek enn later sek. Ena enn katriem ki zame dir, “ase”: dife! Tanki li gagne, li brile.

Kreol Morisyen OT Portions

^15-16 Enn sansi ti ena de zanfan; zot ti zis konn dir: “Donn ankor! Donn ankor!” Ena trwa kitsoz ki zame pa satisfe e ki touletan dimann ankor: lamor, enn fam steril, ek enn later arid. Ena enn katriem ki zame dir, “ase”: dife! Tank li gagne, li brile.

Proverb 30:15 ပူးပေါင်းရင်းမြစ်များ

Proverb 27:20

Lamor zame satisfe, pli li gagne li pran. Bann imin osi parey, zame zot satisfe ar seki zot ena.

Proverb 30:14

Ena dimounn, koumadir zot ena ledan rekin, ouswa ledan enn zanimo feros. Telman zot dominer, zot oule devor tou bann pov; zot oule fini tou bann malere.

Proverb 30:21

Trwa kiksoz fer later tranble: Kan enn esklav vinn lerwa, kan enn bet ena plis manze ki bizin; kan enn fam detestab reisi marye. Ena enn katriem ki fer later savire: Kan enn servant pran plas madam dan lakaz.

Proverb 30:24

Lor later, ena kat kreatir ki bien tipti, me zot bien debrouyar:

Proverb 30:29

Ena trwa kreatir ki zoli pou gete dan zot demars: Lion, lerwa zanimo, li pa kile divan personn; enn kok ki dres lor so lapat, ek enn bouk. Ena enn katriem ki ena enn demars bien fier: Enn lerwa ki mars antet so larme.

Proverb 6:16

Ena sis kitsoz ki LESEGNER deteste: Regar vantar, lalang manter, lame ki tir lavi inosan, leker ki tir plan modi, lipie ki galoupe pou al komet lemal, labous enn fos temwin ki fann mansonz. Ala enn setiem ki LESEGNER pa siporte: Dimounn ki sem zizani e met dibri ant frer-ser.

Mt 23:32

Kontigne alor, fer seki zot bann gran-dimounn finn koumanse.

Zn 8:39

Zot reponn li, “Abraam nou papa.” Zezi dir zot, “Si vremem zot ti zanfan Abraam, zot ti pou fer parey kouma li.

Zn 8:44

Zot sorti ar diab. Limem zot papa; akoz samem zot ena mem santiman ki li. Depi koumansman li ti enn asasin e zame li ti dan laverite parski pena laverite dan li; kan li koz manti, li pe azir dapre so natir; li enn manter e limem papa bann manter.

Let pou Romin 16:18

Sa kalite dimounn-la pa pe servi Lekris nou Segner, me zot prop vant. Par zot koze dimiel e zot diskour ki flate, zot tronp leker bann ki lespri inosan.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.