Proverb 28:18 - Nouvo Testaman Kreol Morisien Harmonisation NTPS KM

¹⁸ Dimounn onet pena pou per nanye; me bann malonet pou tom dan trou.

Kreol Morisyen OT Portions

¹⁸ Dimoun onet pena pou per nanye; me bann malonet pou tom dan trou.

Proverb 28:18 ပူးပေါင်းရင်းမြစ်များ

Psom 125:5

Kan to sas bann azan lemal, pini osi bann ki finn abandonn bon sime. Ki Izrael beni ar lape!

Psom 25:21

Fer ki lonette ek drwatir prezerv mwa parski ar lesperans mo kont lor twa.

Psom 26:11

Me mwa, mo viv enn lavi san repros; ena pitie, delivre mwa!

Psom 84:11

Wi, LESEGNER Bondie, li nou lalimier, nou boukliye protekter ki beni nou ar bonte ek loner. Zame li refiz donn nou seki meyer si nou viv enn lavi san repros.

Proverb 10:25

Tanpet vini, move dimounn anvole; me bon dimounn touletan reziste.

Proverb 10:27

Dimounn ki respekte LESEGNER pou viv pli lontan; me bann malfeter pou mor avan ler.

Proverb 10:9

Dimounn onet viv an-sekirite; me bann malonet zwenn tase.

Proverb 28:10

Tou seki antrenn bon dimounn dan sime lemal, pou tom dan zot prop piez. Me bann dimounn onet pou konn enn lavenir ere.

Proverb 28:6

Preferab pov, me onet ki ris, me malonet.

Ga 2:14

Me kan mo ti remarke ki zot pa pe konport zot dapre Bonn Nouvel, mo dir Pier devan zot tou, “Si twa, enn Zwif, to viv kouma enn payin e pa kouma enn Zwif, kouma to kapav fors bann payin pou viv kouma Zwif?”

1 Tes 5:3

Kan dimounn pou dir: “Ena lape ek sekirite,” lerla mem maler pou fini zot enn sel kou parey kouma douler enn madam ansint ki pe akouse. Zot pa pou kapav sove.

Revelasion 3:3

Rapel bien lansegnman ki to finn resevwar e fason ki to finn tann li. Res touzour fidel ar Bondie e sanz to konportman. Si to pa revey twa, mo pou vinn may twa par sirpriz kouma enn voler dan lanwit san ki to kone ki ler.