Proverb 19:20 - Nouvo Testaman Kreol Morisien Harmonisation NTPS KM

²⁰ Si to ekout bann konsey, si to dispoze pou aprann to leson, dousma-dousma to pou vinn saz.

Kreol Morisyen OT Portions

²⁰ Si to ekout bann konsey, si to dispoze pou aprann to leson, dousma-dousma to pou vinn saz.

Proverb 19:20 ပူးပေါင်းရင်းမြစ်များ

Psom 37:37

Pran kont bon dimounn; get konportman dimounn drwat. Dimounn ki travay pou lape li ena desandan;

Psom 90:12

Fer nou konpran kouma lavi kourt; sa kapav ranpli nou leker ar sazes.

Psom 90:14

Toule gramatin ranpli nou ar to lamour infini; koumsa nou pou kapav sante e konn lazwa toulezour.

Proverb 1:2

Finn ekrir sa bann proverb-la pou ansegn lasazes ek pou donn enn bon ledikasion, pou donn bann bon parol ki ekler lespri,

Proverb 1:3

pou montre kouma pou viv enn lavi drwat, pou pratik lazistis ek viv onet;

Proverb 1:8

Mo zanfan, ekout konsey to papa, pa rezet lansegnman to mama.

Proverb 12:15

Dimounn vantar touletan krwar zot ena rezon; me dimounn saz touletan ekout bon konsey.

Proverb 13:10

Bann arogan nek provok dispit; me bann ki ekout konsey ena lasazes.

Proverb 15:32

Si to ignor bon konsey, to fer tomem ditor; me si to aksepte zot, to vinn pli saz.

Proverb 19:19

Enn dimounn violan bizin pey konsekans; sinon, sak fwa li pou refer so violans.

Proverb 4:1

Mo zanfan, ekout konsey to paran; fer atansion, e to pou gagn disernman.

Proverb 8:14

Mo donn bon konsey ek bon rezonnman, mo ena boukou pwisans ek disernman.

Proverb 8:33

Ekout mo bann konsey; zame pa rezet bann konsey-la, e zot pou vinn saz.