Proverb 16:12 - Nouvo Testaman Kreol Morisien Harmonisation NTPS KM

¹² Lerwa deteste kan dimounn fer lemal; lazistis fer enn rwayom vinn pli for.

Kreol Morisyen OT Portions

¹² Lerwa deteste kan dimoun fer lemal; lazistis fer enn rwayom vinn pli for.

Proverb 16:12 ပူးပေါင်းရင်းမြစ်များ

Psom 99:4

O Lerwa Toupwisan, to kontan seki drwat; to finn etabli lord, drwa e zistis dan Izrael.

Proverb 16:13

Lerwa apresie bann koze onet; li kontan dimounn ki koz laverite.

Proverb 20:18

Swiv bon konsey si to anvi to proze reisi; reflesi bien avan to azir.

Proverb 25:5

Met tou froder deor dan lantouraz lerwa, lerla, li pou gouvern ar lazistis, e so pouvwar pou grandi.

Proverb 28:9

Si kikenn pa ouver so zorey pou ekout lalwa, Bondie osi pa pou ekout so lapriyer.

Proverb 29:14

Enn dirizan ki pa kraz bann pov, li pou regn lontan.

Proverb 29:4

Lerwa ki gouvern ar lazistis, fer so pei prospere; me dirizan ki tom dan koripsion, fer so pei rekile.

Lk 12:48

Me, seki pa ti kone, e finn fer kiksoz ki merit enn pinision, pou gagn enn ti pinision mem. Tou seki finn resevwar boukou, pou dimann li boukou; seki finn gagn boukou responsabilite, pou reklam li ankor plis.

Revelasion 19:11

Lerla mo trouv lesiel ouver e enn seval blan paret. So kavalie ti apel Fidel ek Verite. Li drwat dan so zizman e li konbat avek lazistis.