Proverb 15:2 - Nouvo Testaman Kreol Morisien Harmonisation NTPS KM

² Parol enn saz fer gagn konesans; me kan bann bet ouver labous, zis betiz ki sorti.

Kreol Morisyen OT Portions

² Parol enn saz fer gagn konesans; kan bann bet ouver labous, zis betiz ki sorti.

Proverb 15:2 ပူးပေါင်းရင်းမြစ်များ

Psom 45:1

Mo leker deborde ar zoli parol ler mo konpoz sa poem-la pou mo lerwa. Parol poetik koule kouma lank dan plim enn ekrivin ki konn so metie.

Psom 59:7

Tann zot zoure! Tann zot menase! Zot lalang kouma razwar; zot krwar personn pa tande.

Proverb 12:23

Dimounn intelizan pa fer palab; me bann bet etal zot betiz lor latab.

Proverb 13:16

Dimounn rezonab reflesi avan azir; enn vantar fer letalaz so liniorans.

Proverb 15:23

Ala nou kontan kan nou reisi donn enn bon repons; sa fer plezir kan nou koz enn bon parol zis kan bizin.

Proverb 15:28

Bon dimounn reflesi avan reponn; me labous move dimounn koz zis parol lemal.

Proverb 15:7

Labous bann dimounn saz repann konesans; me bann dimounn bet ena lespri kokom.

Proverb 16:23

Enn dimounn saz reflesi avan li koze; so bann bon parol pou konvink lezot.

Proverb 5:2

Koumsa, to pou gagn disernman; e bann bon parol pou sorti dan to labous.