Proverb 13:16 - Nouvo Testaman Kreol Morisien Harmonisation NTPS KM

¹⁶ Dimounn rezonab reflesi avan azir; enn vantar fer letalaz so liniorans.

Kreol Morisyen OT Portions

¹⁶ Dimoun rezonab reflesi avan azir; enn vantar fer letalaz so lignorans.

Proverb 13:16 ပူးပေါင်းရင်းမြစ်များ

Psom 112:5

Dimounn ki zenere e ki prete, li pou dan bien, si roul so komers dan enn manier drwat, li pou fer bien.

Proverb 14:33

Lasazes res dan leker enn dimounn intelizan; me li pa prezan dan leker enn vantar.

Proverb 15:2

Parol enn saz fer gagn konesans; me kan bann bet ouver labous, zis betiz ki sorti.

Proverb 18:2

Dimounn bet pa sey konpran; li rod montre ki li enn gran tenor.

Proverb 21:24

Dimounn ki fier ek vantar, zot insolan; zot azir ek boukou larogans.

Mt 10:16

Get bien, mo pe avoy zot kouma bann mouton parmi bann loulou; zot bizin bien malin kouma serpan ek inosan kouma kolonb.

Let pou Romin 16:19

Tou dimounn kone komie zot obeisan, e sa donn mwa boukou lazwa; me mo oule ki zot saz konsernan seki bon, ek ki zot pa fer konpromi avek seki move.

1 Ko 14:20

Frer ek ser, pa rezonn kouma zanfan. Kan ena pou fer avek lemal, wi, la zot kapav kouma zanfan; me kan li konsern larezon, la zot bizin adilt.

Ef 5:17

Napa fer bet, me konpran bien ki volonte Bondie ete.