Proverb 12:13 - Nouvo Testaman Kreol Morisien Harmonisation NTPS KM

¹³ Move dimounn pieze ar zot prop mansonz; dimounn onet konn evit maler.

Kreol Morisyen OT Portions

¹³ Move dimoun pieze ar zot prop mansonz; dimoun onet konn evit maler.

Proverb 12:13 ပူးပေါင်းရင်းမြစ်များ

Psom 34:19

Dimounn ki obeir Bondie fer fas boukou traka me LESEGNER delivre li dan tousala;

Psom 34:20

li vey lor tou lezo dimounn-la, pa enn sel pou brize.

Psom 5:6

To detrir bann manter, SEGNER, to ayir bann kriminel ek bann voler.

Psom 59:12

Sak fwa zot koze, zot labous ranpli ar pese; les zot tom dan latrap zot prop vantardiz. Parski zot zoure, modi, koz manti,

Psom 59:13

bril zot ar to lakoler; exterminn zot net. Lerla lemond antie pou konpran ki Bondie gouvern Izrael.

Psom 64:8

Li pou detrir zot akoz zot koz gra. Bann ki trouv sa pou sakouy latet, pou mok zot.

Proverb 10:8

Dimounn saz ek rezonab ekout bon konsey; me enn bet ki koz ninport fini dan presipis.

Proverb 11:8

Enn dimounn ki drwat ek fidel, pa pou gagn problem; me move dimounn atir traka lor limem.

Proverb 15:2

Parol enn saz fer gagn konesans; me kan bann bet ouver labous, zis betiz ki sorti.

Proverb 18:21

Lalang ena pouvwar, li kapav amenn lavi ouswa lamor; si to kontan koze, fer atansion konsekans.

Proverb 21:23

Vey bien to langaz, e problem pa pou vinn dan to lakaz.

Proverb 6:2

To prop labous finn piez twa; to prop parol finn koulout twa.

Mt 27:25

Lafoul antie reponn, “Disan sa boug-la ava tom lor nou e lor nou bann zanfan.”

2 Pi 2:9

alor Lesegner kone ki fason pou delivre bann dimounn drwat depi zot difikilte e kouma li gard bann peser anba so pinision ziska zour zizman;