Mt 5:30 - Nouvo Testaman Kreol Morisien Harmonisation NTPS KM

³⁰ Si to lame drwat antrenn twa dan lemal, koup li, zete, li preferab ki to perdi enn parti to lekor ki antie to lekor al dan lanfer.

Nouvo Testaman dan Kreol Morisien

³⁰ Si to lame drwat antrenn twa dan lemal, koup li, zete, li preferab ki to perdi enn parti to lekor ki antie to lekor al dan lanfer.

Mt 5:30 ပူးပေါင်းရင်းမြစ်များ

Mt 11:6

Bienere, sa dimounn ki pa tom dan pese akoz mwa.”

Mt 13:21

Me pena rasinn dan li e laparol res dan li pou enn ti moman; me ler persekision ek lezot problem vini akoz laparol, so lafwa tom enn sel kout.

Mt 16:23

Me li vire e li dir Pier, “Pas deryer mwa, Satan! To enn gro ros lor mo sime parski to pa pans kouma Bondie me kouma imin.”

Mt 17:27

Me pou nou pa ofans zot, al lamer zet lamson e premie pwason ki morde, get dan so lagel e to pou trouv enn pies larzan; pran li e pey tax pou twa ek pou mwa.”

Mt 18:8

Si to lame oubien to lipie fer twa tonbe, koup li zete, preferab to rant dan lavi avek enn sel lame ek enn sel lipie ki to ena toule-de lame ek lipie dan dife lanfer.

Mt 22:13

Lerla lerwa dir so bann serviter, ‘Atas so lame ek so lipie, zet li deor dan teneb, la kot pou ena boukou plore, kriye ek grinsman ledan.’

Mt 25:20

Seki ti resevwar sink talan-la aprose e prezant so patron sa sink talan ki li ti finn gagne anplis, e li dir li: ‘Met, ou finn donn mwa sink talan, ala mo finn gagn ankor sink.’

Mt 26:31

Zezi dir ar so bann disip, “Lanwit kot zot tou pou tonbe akoz mwa finn arive. Dan Lekritir finn ekrir, ‘Mo pou touy berze, e bann mouton pou fane partou kote.’ ”

Mt 5:22

Me mwa mo dir zot, si kikenn ankoler avek so frer ou so ser, li merit zizman. Kikenn ki dir so frer ou so ser ‘fatra’, li merit zize par konsey bann ansien; kikenn ki dir so frer ‘fou’ li merit dife lanfer.

Mt 5:29

Si to lizie drwat antrenn twa dan lemal, tir li, zet li; li preferab ki to perdi enn parti to lekor, ki antie to lekor al dan lanfer.

Mk 9:43

Si to lame fer twa tonbe, koup li; preferab to mank enn lame kan to rant dan lavi, ki to ena de lame dan lanfer, la kot dife napa tengn.

Lk 12:5

Mo pou montre zot kisann-la zot bizin per: gagn per Sa-Enn ki non selman kapav detrir zot me ena osi pouvwar pou zet zot dan lanfer. Wi, mo dir zot, Sa Enn-la ki zot bizin gagn per.

Lk 17:2

Li preferab li atas enn gro ros dan so likou e li zet li dan lamer olie ki li fer enn sel tipti tonbe.

Let pou Romin 9:33

kouma finn ekrir: “Gete, mo finn plas enn ros dan Sion ki pou fer dimounn kogne, enn ros ki pou fer zot tonbe. Me ninport kisann-la ki krwar dan li pa pou tom dan laont.”

1 Ko 8:13

Akoz sa, si nouritir ki lakoz ki fer enn frer ou enn ser tom dan lerer, zame mo pa pou manz laviann ankor.

Ga 5:11

Me si mwa mo ankor pe pres sirkonsizion, alor kifer zot pe persekit mwa? Dan sa ka-la, Lekris lor lakrwa nepli enn skandal.

1 Pi 2:8

Li finn osi dir: “Li enn ros ki fer dimounn kogne, e li enn ros ki fer dimounn tonbe.” Ena ki tonbe parski zot finn dezobeir laparol, e samem ki zot merite.