Mt 25:40 - Nouvo Testaman Kreol Morisien Harmonisation NTPS KM

⁴⁰ Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti-la ki dan mo fami, ar momem ki zot ti fer sa.’

Nouvo Testaman dan Kreol Morisien

⁴⁰ Lerla lerwa reponn zot: ‘Laverite, mo dir zot, sak fwa ki zot finn fer sa ar enn sa bann pli tipti la ki dan mo fami, ar momem ki zot ti fer sa.’

Mt 25:40 ပူးပေါင်းရင်းမြစ်များ

Proverb 14:31

Kan fer dominer ar dimounn pov, nou insilte zot kreater; me kan pran swin bann pov, nou onor li.

Proverb 19:17

Kan to ed bann pov, to pe pret LESEGNER, limem ki pou rekonpans twa.

Mt 10:40

“Dimounn ki akeyir zot, akeyir mwa, dimounn ki akeyir mwa, pe akeyir Sa-Enn ki finn avoy mwa la.

Mt 10:42

Laverite mo dir zot, si kikenn donn enn ver dilo enn sa bann pli tipti parmi zot, akoz li mo disip, les mo dir zot, li pou gagn so rekonpans.”

Mt 18:10

Fer sir ki zot pa mepriz enn sa bann ti zanfan-la; parski les mo dir zot, ki zot bann anz touletan dan prezans mo Papa dan lesiel.

Mt 25:34

Alor lerwa pou dir ar bann ki dan kote drwat, ‘Vini, zot ki mo papa finn beni. Resevwar rwayom ki Bondie finn prepare pou zot depi kreasion lemond.

Mt 25:39

E kan nou finn trouv twa malad oubien dan prizon e nou finn vizit twa?’

Mt 25:45

Alor li pou reponn zot: ‘Laverite mo dir zot, letan zot pa finn fer sa pou enn sa bann pli tipti parmi zot, ar mwa osi zot pa finn fer li.’

Mt 28:10

Zezi dir zot, “Pa gagn per; al dir mo bann frer ek mo bann ser, al Galile; laba zot pou trouv mwa.”

Mk 9:41

Dimounn ki donn zot enn ver dilo, lor mo nom, parski zot krwar dan Lekris, laverite, laverite mo dir zot, li pa pou perdi so rekonpans.”

Lk 19:38

Zot ti pe dir, “Li finn beni Lerwa ki pe vinn lor nom Lesegner! Lape dan lesiel e laglwar pou Bondie Treo!”

Zn 20:17

Zezi dir, “Pa tous mwa, parski mo pankor mont kot mo Papa. Al kot mo bann frer e dir zot, ‘Mo pe al kot mo Papa ek zot Papa, kot mo Bondie ek zot Bondie.’ ”

Let pou Romin 8:29

Bondie finn met apar bann ki li ti finn swazire davans pou vinn kouma so Garson, pou ki li premie-ne parmi enn kantite frer.

2 Ko 4:5

Dan nou predikasion, nou pa anons noumem, me nou proklam Zezi Kris kouma Segner, ek noumem nou zot serviter akoz Zezi.

Ga 5:13

Me zot, mo bann frer ek ser, finn apel zot pou ki zot lib. Selman fode pa zot mal servi zot liberte e viv dapre zot prop natir imin. Okontrer, les zot gide par lamour e met zot oservis zot bann kamarad.

Ga 5:22

Me bann fri ki Lespri li prodir, li lamour, lazwa, lape, pasians, bonte, konpreansion, fidelite,

Ga 5:6

Pou kikenn ki avek Zezi Kris, sirkonsizion ou pa sirkonsizion, sa pena okenn linportans; lafwa ki azir par lamour ki konte.

Ef 5:30

Nou manb so lekor.

Eb 6:10

Bondie, li pa sa kantite inzis la pou bliye zot travay ek lamour ki zot finn montre li, letan ki zot ti pe servi bann krwayan parey kouma zot ankor pe fer zordi.

1 Pi 1:22

Aster ki zot finn pirifie zot lam par obeisans ki zot ena pou laverite, pratik enn lamour sinser. Kontan touzour zot kamarad ar enn leker kler.

1 Zn 4:20

Si kikenn dir, “Mo kontan Bondie”, apre li ayir so frer ek ser, li enn manter. Si li pa kontan so frer oubien so ser ki li trouve ar so lizie, li pa kapav kontan Bondie ki li pa trouve.

Revelasion 17:14

Zot pou konbat kont Agno me Agno pou bat zot parski limem Segner tou bann segner ek Lerwa tou bann lerwa. Avek li, bann ki Bondie finn apele ek swazire, bann fidel, pou osi vinker.”

Revelasion 19:16

Lor so linz ek lor so lazam ena enn nom ki finn ekrir: “Lerwa bann lerwa, Segner bann segner.”