Mt 21:31 - Nouvo Testaman Kreol Morisien Harmonisation NTPS KM

³¹ Kisann-la ant sa de garson-la finn fer volonte so papa?” Zot dir, “Premie-la.” Alor Zezi dir zot, “Laverite, mo dir zot, bann ramaser tax ek bann prostitie pou ariv dan Rwayom Bondie avan zot tou.

Nouvo Testaman dan Kreol Morisien

³¹ Kisannla ant sa de garson la finn fer volonte so papa?” Zot dir, “Premie la.” Alor Zezi dir zot, “Laverite, mo dir zot, bann ramaser tax ek bann prostitie pou ariv dan Rwayom Bondie avan zot tou.

Mt 21:31 ပူးပေါင်းရင်းမြစ်များ

Mt 12:50

Parski dimounn ki fer dapre volonte mo Papa ki dan lesiel, limem mo frer, mo ser ek mo mama.”

Mt 18:3

e li dir, “Laverite mo dir zot, si zot pa sanze e vinn kouma zanfan, zot pa pou rant dan rwayom lesiel.

Mt 20:16

Koumsa mem, bann dernie pou vinn premie, e bann premie pou dernie.”

Mt 21:30

Papa-la vinn ar deziem-la e li dir li mem zafer; e li reponn ‘Wi papa,’ me li pa ale.

Mt 5:18

Laverite mo dir zot, osi lontan ki later ek lesiel existe, nanye pa pou retire dan lalwa, pa mem sa ti pwin lor i, ziska tou akonpli.

Mt 5:46

Avredir, si zot kontan bann ki kontan zot, ki rekonpans zot pou gagne. Bann kolekter tax osi pa fer parey?

Mt 6:5

Kan zot fer lapriyer, pa fer kouma bann ipokrit ki kontan vinn devan pou priye dan sinagog e dan kat kwin lari pou ki dimounn trouv zot. Laverite mo dir zot, sa bann-la finn deza gagn zot rekonpans.

Mt 7:21

“Pa tou dimounn ki dir mwa, ‘Segner, Segner’ ki pou rant dan rwayom lesiel, me zis bann ki fer volonte mo papa ki dan lesiel.

Mt 9:9

Letan Zezi kit li ale, li trouv enn boug ki ti apel Matie, li ti pe asiz dan biro tax. Zezi dir li, “Swiv mwa.” Matie leve swiv li.

Lk 15:10

Li pou parey pou bann anz Bondie ki pou dan lazwa akoz enn peser ki finn repanti.”

Lk 19:22

Lerwa-la dir li, ‘Serviter move, mo pou kondann twa par to prop parol. To ti kone mo sever, mo pran kot mo pa finn met nanye e mo rekolte kot mo pa finn seme.

Lk 7:29

Lafoul dimounn ek bann komi tax, ki ti tann sa, ti trouve ki Bondie zis parski zot ti deza resevwar batem Zan;

Zn 3:3

Zezi reponn li, “Vremem, laverite mo dir zot, krwar mwa mo dir twa, si enn dimounn pa pran nesans depi lao, li pa kapav konn Rwayom Bondie.”

Zn 3:5

Zezi reponn li, “Vremem, laverite krwar mwa mo dir twa, personn pa kapav rant dan Rwayom Bondie, si li pa repran nesans dan dilo ek Lespri.

Zistwar Bann Zapot 17:30

Bondie finn met deryer nou sa letan iniorans la; aster-la li dimann tou dimounn partou repanti,

Let pou Romin 3:19

Nou kone ki seki lalwa dir, li pe adres li ar bann seki anba lalwa, pou ki tou labous ferme ek ki lemond antie rekonet ki li anba zizman Bondie.

Let pou Romin 5:20

Ler Lalwa finn vini, bann pese finn ogmante. Me la kot pese ti ogmante, lagras dan so abondans ti ogmant ankor plis.

2 Pi 3:9

Lesegner, li pa tarde pou realiz so promes, parey kouma sertin dimounn panse, me li pasian avek zot, parski li pa anvi ki enn parmi zot tonbe, me ki zot tou repanti.