Mt 20:21 - Nouvo Testaman Kreol Morisien Harmonisation NTPS KM

²¹ Zezi dir li, “Ki to oule?” Li reponn, “Promet mwa ki mo de garson ki la, zot pou asiz enn dan to kote drwat ek lot dan to kote gos dan to Rwayom.”

Nouvo Testaman dan Kreol Morisien

²¹ Zezi dir li, “Ki to oule?” Li reponn, “Promet mwa ki mo de garson ki la, zot pou asiz enn dan to kote drwat e lot dan to kote gos dan to Rwayom.”

Mt 20:21 ပူးပေါင်းရင်းမြစ်များ

Psom 110:1

LESEGNER Bondie dir mo segner lerwa, “Asiz la, dan mo kote drwat e atann ziska ki mo fer to lennmi azenou divan to lipie.”

Psom 45:9

Bann fidoner ki dan lakour rwayal zot bann prinses renome; adrwat ou tronn ou bieneme pe diboute; so linz ek so bizou garni ar meyer lor ki existe.

Mt 18:1

Sa letan-la, bann disip vinn ar Zezi e dimann li, “Kisann-la pli gran dan rwayom lesiel?”

Mt 19:28

Zezi dir zot, “Laverite mo dir zot, dan sa nouvo lemond-la, kan Garson Limanite pou asiz lor so tronn dan laglwar, zot ki finn swiv mwa, zot osi zot pou asiz lor douz tronn pou ziz douz tribi Izrael.

Mt 20:22

Me Zezi reponn, “Zot pa kone ki zot pe dimande. Eski zot kapav bwar koup ki mo pe al bwar?” Zot dir li, “Wi, nou kapav”

Mt 20:32

Zezi arete, li apel zot, li dir, “Ki zot anvi mo fer pou zot?”

Mk 10:51

Zezi dir li, “Ki to oule mo fer pou twa?” Aveg-la reponn, “Rabouni, fer mwa trouv kler.”

Mk 16:19

Apre sa, Lesegner Zezi, letan li finn fini koz ar zot, li finn mont dan lesiel e li finn asiz kote drwat Bondie.

Mk 6:22

Tifi Erodiad rantre, danse. Erod ek tou so bann invite ti bien kontan. Lerwa dir tifi-la, “Demann mwa seki to anvi, mo pou donn twa.”

Lk 18:41

“Ki to oule mo fer pou twa?” Li reponn, “Segner, fer mwa trouv kler.”

Lk 19:11

Letan Zezi ti koste ar Zerizalem, li rakont enn lot parabol pou bann ki ti pe ekout li parski zot ti panse ki Rwayom Bondie ti pre pou manifeste limem.

Lk 22:24

Diskision leve ant zot pou gete kisann-la pli gran parmi zot.

Zn 15:7

Si zot res ar mwa e mo parol res ar zot, tou seki zot demande zot pou gagne.

Zistwar Bann Zapot 1:6

Alor ler zot ti zwenn ansam, zot dimann Zezi, “Segner, eski aster-la mem ki to pou remet Rwayom Izrael dibout?”

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

Let pou Romin 8:34

Kisann-la kapav kondann zot? Personn. Parski Lekris limem ki ti mor, me plis ki sa, li finn resisite e li adrwat Bondie pou intersed pou nou.

Let pou Kolosien 3:1

Zot finn resisite avek Lekris, rod seki lao, la kot Lekris ete, dan kote drwat Bondie;