Mt 16:21 - Nouvo Testaman Kreol Morisien Harmonisation NTPS KM

²¹ Depi sa, Zezi koumans montre so bann disip ki li bizin al Zerizalem, soufer boukou dan lame bann ansien, bann sef pret ek dokter lalwa e ki zot pou touy li me li pou resisite lor trwaziem zour.

Nouvo Testaman dan Kreol Morisien

²¹ Depi sa, Zezi koumans montre so bann disip ki li bizin al Zerizalem, soufer boukou dan lame bann ansien, bann sef pret ek dokter lalwa e ki zot pou touy li me li pou resisite lor trwaziem zour.

Mt 16:21 ပူးပေါင်းရင်းမြစ်များ

Mt 12:40

Parey Zonas ti pas trwa zour ek trwa nwit dan vant enn gro pwason, koumsa mem Garson Limanite pou pas trwa zour ek trwa nwit anba later.

Mt 16:22

Pier amenn li enn kote e fer li bann repros; li dir, “Tou pou pas bien, Segner! Sa pa pou zame ariv twa.”

Mt 16:28

Laverite mo dir zot, ena parmi zot ki pa pou konn lamor avan ki zot trouv Garson Limanite revini dan so Rwayom.”

Mt 17:12

Me les mo dir zot ki Eli finn fini vini e bann-la pa finn rekonet li, me zot finn tret li kouma zot anvi. Koumsa mem Garson Limanite pou soufer ar zot.”

Mt 17:9

Letan zot pe desann montagn, Zezi donn zot enn lord, “Pa rakont personn seki zot finn trouve tanki Garson Limanite pa resisite parmi bann mor.”

Mt 20:28

parey kouma Garson Limanite pa finn vini pou ki dimounn servi li, me pou servi dimounn e donn so lavi kouma enn ranson pou boukou dimounn.”

Mt 26:2

“Zot kone ki fet Pak pe vini dan de zour e bann-la pou livre Garson Limanite e pou koulout li lor enn lakrwa.”

Mt 26:47

Zezi ti pe koze, kan Zida, enn parmi Ledouz, vini avek enn lafoul dimounn ki ti arme ar lepe ek gourdin. Bann sef pret ek ansien parmi bann lepep finn avoy zot.

Mt 27:12

Kan bann sef pret ek bann ansien akiz li, li pa reponn nanye.

Mt 27:63

Zot dir, “Vot oner, nou rapel ki sa fos profet-la ti pe dir kan li ti ankor vivan ki li pou resisite lor trwaziem zour.

Mt 28:6

li nepli la, li finn resisite parey kouma li finn dir. Rantre, gete kot ti met so lekor.

Mk 8:31

Apre sa li koumans ansegn zot, fode ki Garson Limanite soufer boukou, ki bann ansien, bann pret, bann dokter lalwa rezet li, touy li, apre sa li pou resisite lor so trwaziem zour.

Mk 9:12

Li reponn zot, “Premie dabor, Eli pe vini pou dres tou e met tou dan lord; alor kifer finn ekrir ki Garson Limanite pou soufer boukou e pou gagn maltrete?”

Lk 17:25

Me avan, li bizin soufer boukou e sa zenerasion-la pou rezet li.

Lk 24:46

Li dir zot, “Ala seki finn ekrir: Lekris pou soufer e li pou resisite parmi bann mor lor trwaziem zour

Lk 9:31

Zot aparet dan laglwar, e zot pe koz lor so depar ki ti pre pou realize dan Zerizalem.