Mt 11:29 - Nouvo Testaman Kreol Morisien Harmonisation NTPS KM

²⁹ Met mo fardo lor zot ledo, e vinn aprann ar mwa parski mo karakter li dou e mo leker ranpli ar limilite

Nouvo Testaman dan Kreol Morisien

²⁹ Met mo fardo lor zot ledo, e vinn aprann ar mwa parski mo karakter li dou e mo leker ranpli ar imilite

Mt 11:29 ပူးပေါင်းရင်းမြစ်များ

Psom 116:7

Mo lespri trankil, mo retrouv mo repo, parski LESEGNER finn fer dibien pou mwa.

Psom 131:1

SEGNER, mo leker pa vantar, mo regar pa reflet larogans; Mo pa galoup deryer bel-bel zafer ki tro gran pou mwa.

Proverb 3:17

Li enn gran plezir pou mars lor sime lasazes, so bann santie donn lazwa ek lape.

Mt 17:5

Letan li ti ankor pe koze, enn niaz bien blan kouver zot e enn lavwa dan niaz-la ti pe dir, “Samem mo Garson ki mo bien kontan, li donn mwa boukou lazwa, ekout li!”

Mt 21:5

“Dir popilasion Zerizalem: gete, zot lerwa pe vini li lor enn ti bourik, e li ranpli ar imilite.”

Mt 28:20

Montre zot met an pratik tou seki mo finn komann zot. Pa bliye, mo avek zot toulezour ziska lafin dimond.”

Mt 7:24

Koumsa mem, tou dimounn ki ekout seki mo fek dir e met li an pratik, li parey enn zom ki finn ranz so lakaz lor fondasion solid.

Lk 8:35

Lerla bann dimounn vinn gete ki finn arive vremem; letan zot koste ar Zezi zot trouv sa dimounn ki ti posede par demon-la, pe asiz kot lipie Zezi, so linz lor li e li sindespri. Lerla zot gagn per.

Zn 13:15

Mo finn donn zot sa lexanp-la pou ki zot fer parey kouma mo finn fer ar zot.

Zn 13:17

Si aster zot finn konn tousala, zot pou bienere si zot met sa an pratik.

Zistwar Bann Zapot 7:37

Moiz mem ankor ki dir bann Izraelit, ‘Bondie pou avoy zot enn profet kouma mwa ki pou enn manb zot pep.’

1 Ko 9:21

Ar bann ki inior lalwa, mo viv kouma zot pou ki mo kapav gagn zot. Sa pa vedir ki mo indiferan ar lalwa Bondie, parski mo pe viv lalwa Lekris.

2 Ko 10:1

Par douser ek bonte Lekris, mwa, Pol mo pe fer enn lapel ar zot; mwa ki dimounn dir ki mo “timid” kan mo ar zot, me ki ena “lodas” kan mo lwin.

2 Ko 10:5

nou ranvers bann pwisans ki dres avek lorgey kont konesans Bondie, e nou pran tou panse prizonie pou fer zot obeir Lekris.

Let pou Filipien 2:5

Ena samem konportman-la parmi zot e pans parey kouma Zezi Kris finn panse.

1 Tes 4:2

Parski zot kone ki linstriksion nou finn donn zot atraver Segner Zezi.

2 Tes 1:8

zot pou vini avek enn laflam dife, pou vanz kont bann ki pa konn Bondie e ki pa obeir Bonn Nouvel nou Segner Zezi Kris.

Eb 5:9

E sa finn rann li parfe e li finn vinn lasours enn delivrans eternel pou tou dimounn ki obeir li.

1 Zn 2:6

Dimounn ki dir li ini avek li, bizin mars parey kouma li.