Mk 7:34 - Nouvo Testaman Kreol Morisien Harmonisation NTPS KM

³⁴ Li lev so lizie ver lesiel li pous enn soupir, li dir li “Efata!” savedir, “Ouver-twa!”

Nouvo Testaman dan Kreol Morisien

³⁴ Li lev so lizie ver lesiel li pous enn soupir, li dir li “Efata!” -sakivedir, “Ouver-twa!”

Mk 7:34 ပူးပေါင်းရင်းမြစ်များ

Mk 1:41

Sa fer Zezi enn gran lapenn; Zezi avans so lame e li tous li. Zezi dir li, “Samem mo volonte, aster to pou pirifie.”

Mk 15:34

Trwa-z-er, Zezi kriy bien-bien for, “Eli, Eli, la-ma sabaktani?” - savedir, “Bondie, Bondie, kifer to finn abandonn mwa?”

Mk 5:41

Li trap lame zanfan-la, li dir li, “Talita koum,” ki vedir, “Zennfi, mo dir twa, leve.”

Mk 6:41

Zezi pran sink dipin ek de pwason-la; li lev so lizie ver lesiel, li fer enn benediksion, li kas dipin-la, li donn so bann disip pou ki bann-la fer distribision dan lafoul; li partaz de pwason-la osi ar zot tou.

Mk 7:35

Deswit so zorey ouver, so lalang large, li koz normal.

Mk 8:12

Li pous enn gran soupir, apre li reponn, “Kifer sa zenerasion-la pe rod enn sign? Laverite, laverite mo dir zot, sa zenerasion la pa pou gagn okenn sign.”

Lk 18:42

Zezi dir li, “Trouv kler. To lafwa finn sov twa.”

Lk 19:41

Kan Zezi ariv pre ar Zerizalem, li plore kan li trouv lavil-la.

Lk 7:14

Zezi koste ar serkey e tous li. Bann dimounn ki ti pe sarye serkey arete. Zezi dir, “Zennom, mo dir twa, leve.”

Zn 11:33

Letan Zezi trouve kouma li pe plore e kouma bann Zwif ki ti avek li osi pe plore, so leker sere, li boulverse.

Zn 11:35

Zezi plore.

Zn 11:38

Zezi ti ankor boulverse, ler li al devan tonbo. Tonbo-la ti enn kavern dan ros e ti ena enn gro ros dan so lantre.

Zn 11:41

Lerla zot tir ros-la. Zezi lev so lizie lao e li dir, “Papa, mo rann twa gras parski to finn ekout mwa.

Zn 11:43

Letan li fini dir sa, li kriy pli for ki li kapav, “Lazar, sorti deor!”

Zn 17:1

Letan Zezi finn fini dir tousala, li lev so lizie, li get lesiel e li dir, “Papa, ler finn vini; glorifie to Garson, pou ki to Garson glorifie twa.

Zistwar Bann Zapot 9:34

Pier dir li, “Ene, Zezi Kris geri twa. Leve, aranz to lili.” Toutswit Ene leve.

Zistwar Bann Zapot 9:40

Pier fer tou dimounn sorti, li azenou e li fer lapriyer. Lerla, li tourn ar lekor-la e li dir, “Tabita, leve.” Tabita ouver so lizie, e letan li trouv Pier, li asize.

Eb 4:15

Nou pena enn gran pret ki pa kapav sinpatiz ar nou dan nou febles, me nou ena enn ki finn konn tantasion dan toutsort fason, me ki pa finn fer pese.