Lk 8:18 - Nouvo Testaman Kreol Morisien Harmonisation NTPS KM

¹⁸ Alor fer atansion manier ki zot ekoute parski seki ena pou gagn plis e seki pena, mem seki li krwar li ena, pou ras tou ar li.”

Nouvo Testaman dan Kreol Morisien

¹⁸ Alor fer atansion manier ki zot ekoute parski seki ena pou gagn plis e seki pena, mem seki li krwar li ena, pou ras tou ar li.”

Lk 8:18 ပူးပေါင်းရင်းမြစ်များ

Proverb 14:12

Fer atansion! Ena sime kapav paret bon, me alafin, to kapav trouv lamor.

Mt 13:12

Parski seki ena, pou gagn ankor plis e li pou gagn plis ki bizin; me seki pena la, mem sa tigit ki li ena, sa osi pou pran ar li.

Mt 25:29

Parski tou dimounn ki ena, pou gagn plis ankor, e zot pou dan labondans; me dimounn ki pena nanye, mem sa tigit ki zot ena la, pou ras sa ar zot.

Mk 13:14

Kan zot pou trouv enn sakrilez abominab dan landrwa ki pa ti bizin (dimounn ki pe lir, konpran seki mo pe dir), bann ki dan Zide, sove, al dan montagn.

Lk 19:26

‘Ala mo dir zot, seki ena pou gagn plis ankor, me seki pena, pou perdi tigit ki li ena.

Lk 9:44

“Les sa parol-la rant bien dan zot zorey: Garson Limanite pou livre dan lame bann zom.”

Zn 15:2

Tou brans ki lor sa pie-la e ki pa raporte, mo Papa tir zot zete; me tou brans ki raporte, li tay zot pou ki zot donn ankor plis.

Zistwar Bann Zapot 10:33

Alor mo finn fer apel twa toutswit, e to finn vremem bon pou aksepte vini. Nou tou la, dan prezans Bondie pou ekout seki Bondie finn komann twa pou dir nou.”

Zistwar Bann Zapot 17:11

Bann Zwif Bere ti ena meyer santiman ki bann Zwif Tesalonik. Zot ti pli pare pou resevwar Bonn Nouvel ki bann-la. Toulezour zot ti pe examinn laparol pou verifie sipa seki ti pe dir la ti korek.

Let pou Romin 12:3

Par lagras ki finn donn mwa, mo dir ar sakenn parmi zot fode pa ki zot ena enn lopinion tro ot lor zotmem; okontrer ena bann panse modes, sakenn dapre lafwa ki Bondie finn donn li.

1 Ko 14:37

Si kikenn panse ki li enn profet, oubien ki li ena enn don ki Lespri done, li bizin rekonet ki dan seki mo pe ekrir ena komannman Lesegner.

1 Ko 3:18

Fode ki personn pa tom dan lerer. Si ena parmi zot krwar ki li saz dapre sistem lemond, ki li vinn enn fouka dabor pou lerla li vremem vinn enn saz.

1 Ko 8:2

Seki krwar li konn kiksoz, li pa ankor konn tou seki bizin kone.

Let pou Filipien 3:4

Pourtan mo ena ase rezon pou reklam sa bann privilez-la. Si kikenn fer sa reklamasion-la mo pou ankor pli for ki li.

Eb 2:1

Akoz samem nou bizin res ferm avek seki nou finn tande, pou ki nou pa derape.