Lk 6:48 - Nouvo Testaman Kreol Morisien Harmonisation NTPS KM

⁴⁸ Li parey kouma enn dimounn ki pe mont so lakaz. Li fouy enn transe bien fon, li poz fondasion-la lor enn pavaz ros; letan inondasion vini, larivier deborde, bat ar lakaz-la; lakaz-la pa kraze parski li bien solid.

Nouvo Testaman dan Kreol Morisien

⁴⁸ Li parey kouma enn dimoun ki pe mont so lakaz. Li fouy enn transe bien fon, li poz fondasion la lor enn pavaz ros; letan inondasion vini, larivier deborde, bat ar lakaz la; lakaz la pa kraze parski li bien solid.

Lk 6:48 ပူးပေါင်းရင်းမြစ်များ

Psom 32:6

Akoz sa tou to bann serviter fidel bizin priye twa kan problem leve; kan inondasion pe fons lor zot, zot kone zot ena to proteksion.

Psom 62:2

Li tousel mo protekter ek mo sover; li mo fortres; nanye pa pou sekwe mwa.

Psom 95:1

Vini tou dimounn, anou sant louanz LESEGNER; Anou kriye for nou lazwa dan Bondie ki nou Sover.

Proverb 10:25

Tanpet vini, move dimounn anvole; me bon dimounn touletan reziste.

Lk 6:47

Mo pou montre zot kouma li ete sa dimounn ki vinn ar mwa la, ki ekout mo parol e met li an pratik.

Lk 6:49

Me dimounn ki ekout mo parol me pa met li an pratik, li kouma enn dimounn ki finn mont so lakaz san fouy fondasion. Kouma larivier desann, li balie lakaz-la, nanye pa reste.”

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Ef 2:20

Zot finn integre dan konstriksion ki ena bann Zapot ek bann profet pou fondasion, ek Zezi Kris limem ros ki tini tou.

2 Tim 2:19

Me fondasion ki Bondie finn mete li solid. Finn ekrir lor la: Lesegner konn so dimounn. Tou dimounn ki priy Lesegner bizin evit lemal.

2 Pi 1:10

Alor mo bann frer ek ser, double zot zefor pou montre vremem ki Bondie finn swazir ek apel zot; ler zot fer sa, zame zot pa pou tom dan lemal.

1 Zn 2:28

Aster-la mo bann zanfan, res ini avek li, pou ki ler li revel li, nou kapav ranpli ar lasirans, e nou pa onte devan li zour ki li vini.

Let Zid 1:24

Pou Sa Enn ki anpes zot tonbe e fer zot tenir san okenn fot dan prezans so laglwar avek rezwisans,