Lk 5:30 - Nouvo Testaman Kreol Morisien Harmonisation NTPS KM

³⁰ Bann Farizien ek bann dokter lalwa ti pe fer repros ar so bann disip. Zot ti pe dir, “Kifer zot pe manze-bwar avek bann komi tax ek bann peser?”

Nouvo Testaman dan Kreol Morisien

³⁰ Bann Farizien ek bann dokter lalwa ti pe fer repros ar so bann disip. Zot ti pe dir, “Kifer zot pe manze-bwar avek bann komi tax ek bann peser?”

Lk 5:30 ပူးပေါင်းရင်းမြစ်များ

Mt 5:46

Avredir, si zot kontan bann ki kontan zot, ki rekonpans zot pou gagne. Bann kolekter tax osi pa fer parey?

Mt 9:11

Letan bann Farizien trouv sa, zot dir ar bann disip Zezi, “Kifer zot Met, li manz avek bann komi tax ek dimounn move lavi?”

Mk 2:16

Letan bann dokter lalwa ek bann Farizien trouv li pe manze avek bann peser ek bann ramaser tax, zot dir so bann disip, “Kifer li manz avek bann kolekter tax ek bann ki fer pese?”

Mk 7:3

An-efe, bann Farizien parey kouma tou Zwif, ti bizin bien lav lame avan manze, pou respekte tradision zot gran dimounn.

Mk 9:16

Li dimann zot, “Ki zot pe diskite ar bann-la?”

Lk 18:11

Farizien-la ti pe dibout enn kote, apar, e li ti pe priye dan so leker, ‘Bondie, mo remersie twa ki mo pa kouma bann lezot dimounn, voler, explwater, adilter, e sirtou pa kouma sa komi tax-la.

Lk 19:7

Tou bann ki ti trouv sa mirmire e zot dir, “Ala li finn al res kot enn dimounn ki fer pese.”

Lk 5:17

Enn zour, kan Zezi ti pe ansegne, bann Farizien ek bann dokter lalwa ti pe asize laba. Zot ti sorti dan bann vilaz Galile ek Zide e ena ki ti sorti Zerizalem. Pwisans Lesegner ti ar Zezi pou li fer gerizon.

Lk 5:21

Lerla bann dokter lalwa e bann Farizien koumans poz kestion, “Ki li krwar li ete? Li pe blasfeme. Kisann-la kapav pardonn pese apar Bondie tousel?”

Lk 7:34

Garson Limanite vini, li manze li bwar, e zot dir, ‘Get sa, li enn gourman, enn soular e li kamarad ar komi tax ek bann peser!’

Lk 7:39

Letan Farizien ki ti invit Zezi trouv sa, li dir dan limem, “Si vremem li ti enn profet li ti pou kone ki kalite fam pe tous li e ki li enn fam move lavi.”

Zistwar Bann Zapot 23:9

Diskision ti kontign ogmante mem. De-trwa dokter lalwa ki ti Farizien anmemtan ti leve, zot proteste for-for, “Nou pa trouv okenn repros pou fer sa boug-la. Li posib ki enn lespri ou enn anz finn koz ar li.”