Lk 4:23 - Nouvo Testaman Kreol Morisien Harmonisation NTPS KM

²³ Lerla li dir zot, “Sirman zot pou sit mwa sa proverb ki dir, ‘Dokter, geri twa tomem. Nou okouran tou seki to finn fer dan Kafarnaom, fer parey isi dan to prop lavil.’ ”

Nouvo Testaman dan Kreol Morisien

²³ Lerla li dir zot, “Sirman zot pou sit mwa sa proverb ki dir, ‘Dokter, geri twa tomem. Nou okouran tou seki to finn fer dan Kafarnaom, fer parey isi dan to prop lavil.’ ”

Lk 4:23 ပူးပေါင်းရင်းမြစ်များ

Mt 13:54

Li al dan vilaz kot li ti grandi e li koumans ansegn dimounn dan zot sinagog. Sa bann dimounn-la ti etone e zot dir, “Kot li finn gagn sa kalite sazes-la? Kouma li kapav fer bel-bel mirak koumsa?

Mt 4:13

Li kit Nazaret pou al res dan Kafarnaom, dan bor lamer, dan teritwar Zabilon ek Neftali.

Mt 4:23

Zezi finn al partou dan Galile, li ti pe ansegne dan zot sinagog, li ti pe proklam Bonn Nouvel lor size Rwayom Bondie. Li ti geri bann dimounn avek tou sort kalite malad.

Mk 6:1

Zezi kit sa landrwa-la, li retourn dan vilaz kot li ti grandi; so bann disip ti pe swiv li.

Lk 2:39

Letan zot fini fer tou seki lalwa Lesegner dimande, zot retourn Galile, dan zot prop lavil Nazaret.

Lk 2:51

Zezi retourn Nazaret ar so bann paran. Li ti kontign obeir zot; e so mama ti gard tousala dan so leker.

Lk 4:16

Li vinn Nazaret, la kot li ti grandi, e li al dan sinagog zour saba, kouma li ti abitie fer. Li dibout pou lir.

Lk 4:31

Zezi desann Kafarnaom, enn lavil dan Galile, e li ti pe ansegne zour saba.

Lk 4:35

Zezi menas li, li dir, “Ferm to labous, sorti dan li, ale.” Move lespri zet posede-la anba, omilie bann-la, e kit li san fer li okenn ditor.

Lk 6:42

Oubien, kouma to kapav dir to prosin, ‘Frer, les mo retir lapay ki dan to lizie,’ kan tomem to pa trouv poto dan to prop lizie? Twa ipokrit, tir poto ki dan to lizie avan, lerla to pou trouv kler pou tir lapay dan lizie to prosin.

Zn 4:28

Lerla fam-la kit so seo, li al dan lavil e li dir bann dimounn,

2 Ko 5:16

Alor depi aster nou nepli konsider okenn dimounn dapre manier imin. Mem si avan nou ti konsider Lekris dan enn manier imin, nou pa get li koumsa aster-la.