Lk 3:8 - Nouvo Testaman Kreol Morisien Harmonisation NTPS KM

⁸ Prodir bon fri ki montre ki zot finn sanz zot leker. Pa nek zis dir dan zotmem, ‘Abraam nou papa!’ Parski les mo dir zot, avek sa bann ros-la, Bondie kapav fer bann desandan Abraam leve.

Nouvo Testaman dan Kreol Morisien

⁸ Prodwir bon fri ki montre ki zot finn sanz zot leker. Pa nek zis dir dan zotmem, ‘Abraam nou papa!’ Parski les mo dir zot, avek sa bann ros la, Bondie kapav fer bann desandan Abraam leve.

Lk 3:8 ပူးပေါင်းရင်းမြစ်များ

Mt 21:43

Ala, mo dir zot, pou ras Rwayom Bondie ar zot e pou donn sa enn pep ki pou prodir vre fri.”

Mt 3:8

Prodir bon fri ki montre ki zot finn sanz zot leker.

Mt 3:9

Pa nek dir dan zotmem, ‘Abraam nou papa!’ Parski les mo dir zot ki avek sa bann ros-la, Bondie kapav fer bann desandan Abraam leve.

Lk 13:25

Kan proprieter lakaz leve e ferm laport, zot pou deor. Zot ava bon tape e zot ava bon dir, ‘Segner, ouver laport pou nou,’ li pou reponn zot, ‘Mo pa kone kot zot sorti.’

Lk 13:26

Alors, zot pou dir li, ‘Nou finn manze-bwar ar twa; to finn ansegn nou lor laplas piblik.’

Lk 14:9

lerla dimounn ki finn invit twa ek li, pou vinn dir twa, ‘Donn sa dimounn-la to plas.’ Lerla to pou perdi pwin, to pou leve e to pou al asiz dan dernie ban.

Lk 19:40

Zezi reponn, “Ala mo dir zot, si bann-la res trankil, ros ki pou kriye.”

Lk 19:9

Lerla Zezi dir li, “Zordi mem, delivrans finn rant dan sa lakaz-la parski li osi, li enn zanfan Abraam.

Lk 5:21

Lerla bann dokter lalwa e bann Farizien koumans poz kestion, “Ki li krwar li ete? Li pe blasfeme. Kisann-la kapav pardonn pese apar Bondie tousel?”

Zn 8:33

Zot reponn li, “Nou bann desandan Abraam; zame nou finn esklav personn; ki to pe rod dir, kan to dir, ‘Zot pou libere’?”

Zn 8:39

Zot reponn li, “Abraam nou papa.” Zezi dir zot, “Si vremem zot ti zanfan Abraam, zot ti pou fer parey kouma li.

Zistwar Bann Zapot 26:20

Mo finn anons an premie dan Damas, apre Zerizalem, answit partou dan Zide ek osi ar bann non-Zwif ki zot bizin repanti, retourn ar Bondie ek fer bann aksion ki montre ki zot finn vremem repanti.

Let pou Romin 4:16

Pou sa rezon-la, promes-la baze lor lafwa pou ki li enn don Bondie e li valab pou tou bann desandan Abraam; pa zis pou dimounn ki obeir lalwa, me osi pou dimounn ki krwar, parey kouma Abraam ti krwar. Pou nou tou Abraam enn papa spiritiel.

Let pou Romin 9:7

Parey, pa tou desandan Abraam ki zanfan Abraam. Bondie ti dir Abraam, “Zis bann desandan Izaak ki pou konte kouma to bann zanfan.”

Let pou Filipien 1:11

zot pou ranpli ar fri lazistis ki sorti kot Zezi Kris pou laglwar ek louanz Bondie.