Lk 24:30 - Nouvo Testaman Kreol Morisien Harmonisation NTPS KM

³⁰ Letan li atab avek zot, li pran dipin, li beni li, li kas li e li donn zot.

Nouvo Testaman dan Kreol Morisien

³⁰ Letan li atab avek zot, li pran dipin, li beni li, li kas li e li donn zot.

Lk 24:30 ပူးပေါင်းရင်းမြစ်များ

Mt 14:19

Li ordonn lafoul pou instal zotmem lor lerb, li pran sa sink dipin ek sa de pwason-la, li lev so lizie ver lesiel e li beni zot. Apre sa li kas bann dipin-la, li donn bann disip pou distribie avek lafoul.

Mt 15:36

Li pran sa set dipin-la ek bann pwason-la, ler li fini remersi Bondie, li kas zot, li donn so bann disip e bann-la partaz avek lafoul.

Mt 26:26

Letan pe manze, Zezi pran dipin, donn benediksion, kas dipin-la e li donn so bann disip. Li dir, “Pran, manze, samem mo lekor.”

Mk 14:22

Letan zot ti pe manze, Zezi pran dipin, li pronons enn benediksion, li kas dipin-la, li donn zot, e li dir, “Pran, samem mo lekor.”

Mk 6:41

Zezi pran sink dipin ek de pwason-la; li lev so lizie ver lesiel, li fer enn benediksion, li kas dipin-la, li donn so bann disip pou ki bann-la fer distribision dan lafoul; li partaz de pwason-la osi ar zot tou.

Mk 8:6

Li fer lafoul asiz anba; li pran toule-set dipin, li rann gras, li kas bann dipin-la, li donn so bann disip pou ki bann-la fer lapartaz e bann-la partaz avek lafoul.

Lk 22:19

Apre li pran dipin, li rann gras, li kas li e li donn zot. Li dir, “Samem mo lekor, ki mo donn pou zot. Fer sa, an mo memwar.”

Lk 24:29

Bann-la pa anvi li ale, zot dir li, “Res ar nou parski soley pe al tonbe e lanwit pe aprose.” Lerla li al res kot zot.

Lk 24:35

Lerla zotmem, zot rakont tou seki finn arive lor sime e kouma zot ti rekonet Zezi letan li ti finn kas dipin.

Lk 9:16

Zezi pran sink dipin ek de pwason-la, li lev so lizie, li get lesiel, li beni zot, li kas zot, e li donn so bann disip pou distribie ar lafoul.

Zn 6:11

Zezi pran dipin, li rann gras e partaz dipin-la ar bann ki ti pe asize; li fer parey ar pwason, kot sakenn finn gagn kantite ki li ti anvi.

Zistwar Bann Zapot 2:42

Zot ti devwe zot letan pou ekout lansegnman bann zapot e kominion fraternel, zot ti partaz repa lakominion e lapriyer.

Zistwar Bann Zapot 2:46

Zour apre zour zot ti rasanble kouma enn group dan Tanp, zot ti kas dipin ansam dan lakaz, e ti pran zot repa ansam avek enn leker sinser e ranpli ar lazwa.

Zistwar Bann Zapot 27:35

Ler li fini dir sa, li pran dipin, li rann gras Bondie devan tou dimounn. Lerla li kas dipin, li koumans manze.