Lk 23:33 - Nouvo Testaman Kreol Morisien Harmonisation NTPS KM

³³ Ler zot ariv landrwa ki ti apel Krann, zot koulout li lor lakrwa e zot met bann malfeter-la, enn dan so drwat ek lot-la dan so gos.

Nouvo Testaman dan Kreol Morisien

³³ Ler zot ariv landrwa ki ti apel Krann, zot koulout li lor lakrwa e zot met bann malfeter la, enn dan so drwat ek lotla dan so gos.

Lk 23:33 ပူးပေါင်းရင်းမြစ်များ

Psom 22:16

Bann lisien pe tom lor mwa; enn group kriminel finn anserkle mwa, zot pers mo lame mo lipie.

Mt 20:19

apre sa zot pou met li dan lame bann payin, zot pou boufonn li, fwet li, krisifie li, me lor trwaziem zour li pou resisite.”

Mt 26:2

“Zot kone ki fet Pak pe vini dan de zour e bann-la pou livre Garson Limanite e pou koulout li lor enn lakrwa.”

Lk 24:7

‘Fode ki Garson Limanite livre dan lame bann peser, ki li kouloute lor lakrwa avan ki li resisite lor so trwaziem zour.’ ”

Zn 18:32

Lerla parol Zezi realize kan li ti pe dir ki manier li ti pou mor.

Zn 3:14

Parey kouma Moiz ti met serpan an-bronz lor enn poto dan dezer, dan mem manier pou bizin lev Garson Limanite lao,

Zistwar Bann Zapot 13:29

Letan zot finn fer tou seki ti deza ekrir lor li, zot desann li depi lor lakrwa e zot met li dan enn tonbo.

Zistwar Bann Zapot 2:23

Dapre konesans ki Bondie ena davans, ek dapre so plan, sa zom-la finn livre dan zot lame, e zot finn touy li avek led bann move dimounn; zot finn krisifie li.

Zistwar Bann Zapot 5:30

Bondie nou bann anset finn resisit Zezi, limem ki zot finn touye kan zot finn koulout li lor lakrwa.

Ga 3:13

Kris, ki ti vinn enn malediksion pou nou, finn peye pou delivre nou depi sa malediksion-la, parski finn ekrir: “Malediksion pou dimounn ki pandi ar pie.”

1 Pi 2:24

Dan so prop lekor li finn sarye nou pese lor lakrwa, pou ki nou aret viv dan pese e viv enn fason ki korek. Par so bann blesir, nou finn geri.