Lk 20:46 - Nouvo Testaman Kreol Morisien Harmonisation NTPS KM

⁴⁶ “Mefie zot bann dokter lalwa ki kontan pavane avek gran-gran rob e ki kontan kan dimounn salie zot dan bann plas piblik; dan sinagog, zot swazir bann plas kot tou dimounn pou trouv zot e dan bann dine, zot rod bann plas doner.

Nouvo Testaman dan Kreol Morisien

⁴⁶ “Mefie zot bann dokter lalwa ki kontan pavane avek gran-gran rob e ki kontan kan dimoun salye zot dan bann plas piblik; dan sinagog, zot swazir bann plas kot tou dimoun pou trouv zot e dan bann dine, zot rod bann plas doner.

Lk 20:46 ပူးပေါင်းရင်းမြစ်များ

Proverb 29:23

Kan to viv ek lorgey, enn zour to pou abese; me si to viv ek limilite, enn zour to pou onore.

Mt 16:6

Zezi dir zot, “Get bien, fer atansion ar levin bann Farizien ek Sadiseen.”

Mt 23:1

Zezi koz ar lafoul ek so bann disip, li dir,

Mk 8:15

Zezi averti zot, “Get bien, fer atansion ar levin bann Farizien ek levin Erod.”

Lk 11:43

Maler lor zot bann Farizien! Zot kontan bann premie plas dan sinagog e zot kontan loner lor laplas piblik.

Lk 12:1

Ti ena telman enn gran lafoul ki dimounn ti pe mars lor lipie zot kamarad. Lerla Zezi koumans dir ar so bann disip, “Fer atansion levin bann Farizien, setadir, zot ipokrizi.

Lk 14:7

Letan Zezi trouv bann invite swazir bann plas doner, li rakont zot sa parabol-la,

Lk 20:47

Zot devor ti-kas ki bann vev finn ramase e zot fer long-long lapriyer pou ki tou dimounn trouv zot. Zot pou gagn pli gran kondanasion.

Let pou Romin 12:10

Ena lafeksion pou zot kamarad kouma bann frer ek ser. Ena enn gran respe pou zot kamarad.

2 Tim 4:15

Twa osi, fer atansion ar li, parski li enn adverser terib kont nou predikasion.

3 Zn 1:9

Mo finn ekrir enn ti let Legliz; me Diotref, ki kontan touzour met li an-avan, pa finn aksepte nou lotorite.