Lk 20:16 - Nouvo Testaman Kreol Morisien Harmonisation NTPS KM

¹⁶ Limem pou vini, li pou touy zot enn par enn e li pou donn so karo lot dimounn.” Letan zot tann sa, zot dir, “Pena sime!”

Nouvo Testaman dan Kreol Morisien

¹⁶ Limem pou vini, li pou touy zot enn par enn e li pou donn so karo lot dimoun.” Letan zot tann sa, zot dir, “Pena sime!”

Lk 20:16 ပူးပေါင်းရင်းမြစ်များ

Mt 21:34

Letan finn ariv ler pou rekolte, li avoy so bann serviter kot bann travayer-la pou al sers so par.

Mt 21:41

Zot dir li, “Li pou masakre sa bann kriminel-la e lwe so karo ar enn lot bann travayer ki pou donn li so par apre rekolt.”

Mt 22:7

Lerwa bien ankoler; li avoy so bann solda al touy sa bann asasin-la e bril zot lavil.

Mk 12:9

Dapre zot, ki proprieter karo rezin pou fer? Li pou vini, li pou touy bann meteye e li pou donn so karo lezot dimounn.

Lk 19:27

Aster-la, mo bann lennmi, ki pa ti oule mo vinn zot lerwa, amenn zot isi e eliminn zot devan mwa.’ ”

Lk 20:15

Zot pous li andeor karo e zot touy li. Ki proprieter karo-la pou fer ar zot?

Zistwar Bann Zapot 13:46

Lerla, avek boukou kouraz, Pol ek Barnabas dir bann-la, “Li ti neseser ki anons Parol Bondie ar zot premie dabor. Me akoz zot finn repous li e zot pa konsider zot dign lavi eternel, abe aster-la nou pou al kot bann non-Zwif.

Let pou Romin 11:1

Alor mo dimande: Eski Bondie ti rezet so pep? Pena sime! Momem mo enn Izraelit, enn desandan Abraam, mo sorti dan tribi Benzamin.

Let pou Romin 11:11

Mo repoz enn kestion: Letan bann Zwif ti tonbe, eski enn tonbe ki pa kapav releve sa? Pa ditou! Me akoz zot fot bann non-Zwif finn sove, pou ki sa fer bann Zwif zalou.

Let pou Romin 3:31

Eski savedir par sa lafwa-la nou kensel lalwa? Pa ditou! Okontrer nou donn li so vre valer.

Let pou Romin 3:4

Non, zame! Bondie pou res touletan laverite, mem si bann imin manter. Dan Lekritir finn ekrir, “Bizin rekonet lazistis dan to Parol, e ki to triyonfe kan ziz twa.”

Let pou Romin 3:6

Pena sime! Si Bondie pa zis, kouma li pou ziz lemond?

Let pou Romin 6:15

Abe ki nou pou dir? Eski nou pou fer pese parski nou nepli anba lalwa, me dan lagras Bondie? Pena sime!

Let pou Romin 6:2

Pena sime! Pou seki konsern pese, nou finn mor, li pena pouvwar lor nou; kouma nou kapav kontign viv ladan?

Let pou Romin 7:13

Eski savedir ki seki bon ki finn koz mo lamor? Pena sime! Pese ki lakoz. Koumsa li montre so vre natir pese; li koz mo lamor atraver seki bon, koumsa atraver komannman pese paret pli grav ankor.

Let pou Romin 7:7

Ki nou kapav dir alor? Eski nou pou dir ki lalwa pese? Pena sime! Mo pa ti pou kone ki savedir pese si pa ti ena lalwa. Mo pa ti pou kone ki savedir konvwatiz si lalwa pa ti dir, “Pa dezir kiksoz lezot dimounn.”

Let pou Romin 9:14

Ki nou kapav dir, alor? Ki Bondie inzis? Zame!

1 Ko 6:15

Zot pa kone ki zot lekor li form parti lekor Lekris? Eski mo pou pran enn manb lekor Lekris ek mo fer li vinn enn parti lekor enn prostitie? Zame!

Ga 2:17

Me si dan nou zefor pou rod zistifikasion par Kris, nou retrouv noumem peser, eski savedir ki Kris pe servi lakoz nou pese? Biensir ki non!

Ga 3:21

Eski lalwa li kont promes Bondie? Pa ditou! Parski si donn enn lalwa ki ena pouvwar donn lavi, alor bien sir kapav vinn zis devan lizie Bondie par lalwa.

Ga 6:14

Abe mwa, mo pou fer vantar akoz lakrwa nou Segner Zezi Kris; par sa lakrwa-la lemond finn fini krisifie pou mwa e mo finn fini krisifie pou lemond.