Lk 16:25 - Nouvo Testaman Kreol Morisien Harmonisation NTPS KM

²⁵ Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me aster-la li dan bien isi, e twa to dan soufrans.

Nouvo Testaman dan Kreol Morisien

²⁵ Me Abraam dir, ‘Mo garson, rapel bien ki dan to lavi lor later to ti dan bien, alor ki Lazar ti gagn boukou maler; me asterla li dan bien isi, e twa to dan soufrans.

Lk 16:25 ပူးပေါင်းရင်းမြစ်များ

Psom 17:14

Protez mwa kont sa kalite dimounn la, ki rasazie ar ramas dibien olie fer lebien; fer ki zot zanfan ek ti zanfan ranpli zot vant ziska zot rasazie.

Psom 49:11

Se zot tom ki vinn zot lakaz permanan; se laba ki zot pou pas leres letan malgre kan zot ti vivan zot ti ena terin par arpan.

Psom 73:7

zot boufi ar lagres, zot lizie sorti gro, e zot latet plin ar plan mesanste.

Mt 27:63

Zot dir, “Vot oner, nou rapel ki sa fos profet-la ti pe dir kan li ti ankor vivan ki li pou resisite lor trwaziem zour.

Mk 9:45

Si to lipie fer twa tonbe, koup li; preferab to mank enn lipie kan to rant dan lavi, ki to al avek to de lipie dan lanfer kot

Lk 16:20

Ti ena enn pov malere ki ti apel Lazar. Li ti pe asize devan laport ris-la, e so lekor ti kouver ar lagal.

Lk 16:23

Dan lemond bann mor letan li ti pe soufer, li lev so lizie, li trouv Abraam delwin e pre ar li, ti ena Lazar.

Lk 16:26

Anplis, ant nou finn met enn gran separasion pou anpes zot vinn kot nou e nou al kot zot.’

Lk 6:24

Bienmalere zot ki bann ris parski zot finn deza resevwar zot konsolasion.

Zn 16:33

Mo finn dir zot tousala pou zot gagn lape an mwa. Lemond pou fer zot soufer; me gard kouraz, mo finn sorti vinker lor lemond.”

Zistwar Bann Zapot 14:22

Zot ti fortifie ek ankouraz bann disip pou res ferm dan lafwa. Zot dir, “Nou bizin pas par boukou difikilte pou nou kapav rant dan Rwayom Bondie.”

Let pou Romin 8:7

Bann dimounn ki preokipe par natir imin zot lennmi Bondie, parski sa natir-la li pa soumet li ar lalwa Bondie, dayer li mem pa kapav fer li.

Let pou Filipien 3:19

Zot pe al ver zot destriksion; zot vant samem zot Bondie, zot fier pou kiksoz ki ti bizin fer zot onte; zot mazinn zis bann zafer sa lemond-la.

1 Tes 3:3

pou ki personn parmi zot pa les zot abat par bann eprev ki nou pe fer fas. Zotmem, zot kone ki bann eprev parey fer parti plan Bondie pou nou.

Eb 11:25

Li ti prefer gagn maltrete ansam ar pep Bondie olie ki fer so leker kontan par plezir pese, ki zis pou enn ti moman.

1 Zn 2:15

Pa bizin zot kontan lemond, ni bann kiksoz materyel lemond. Dimounn ki kontan lemond, li pena lamour Bondie Papa dan li.

Revelasion 7:14

Mo dir li, “Mo Segner, tomem ki kone.” Lerla li dir mwa, “Sa bann-la, zot finn travers dan enn gran persekision, zot finn lav zot rob e finn fer zot vinn blan dan disan Agno.