Lk 12:15 - Nouvo Testaman Kreol Morisien Harmonisation NTPS KM

¹⁵ Lerla li dir zot, “Fer atansion! Pa galoup deryer bann dibien materyel, parski lavi enn dimounn pa depann lor so dibien, mem si li bien ris.”

Nouvo Testaman dan Kreol Morisien

¹⁵ Lerla li dir zot, “Fer atansion! Pa galoup deryer bann dibien materyel, parski lavi enn dimoun pa depann lor so dibien, mem si li bien ris.”

Lk 12:15 ပူးပေါင်းရင်းမြစ်များ

Psom 10:3

Move dimounn li fier so prop move dezir; dimounn gourman li modi LESEGNER e li pena respe pou li.

Psom 37:16

Sa ti trezor ki enn bon dimounn posede la, li vo plis ki tou larises ki tou bann modi posede.

Psom 62:10

Pa met konfians dan violans; pa met lespwar dan lamone kokin; mem kan larises pe ogmante pa met konfians ladan.

Proverb 15:16

Preferab gagn tigit, me ena respe pou LESEGNER; ki gagn boukou avek enn ta traka.

Proverb 16:16

Rod lasazes plito ki lor; swazir bon rezonnman plito ki larzan.

Proverb 28:16

Enn lider bet fer dominer pou li vinn ris lor ledo bann pov; me dirizan ki deteste larzan mal-gagne, pou viv lontan.

Mk 7:22

adilter, groker, fer vis, zwe malin, lamizman, met lizie, zoure, vantar, divage.

Lk 12:16

Zezi rakont enn parabol. “Enn dimounn ris ti ena enn plantasion ki ti raport boukou.

Lk 16:14

Letan bann Farizien ki ti bien kontan larzan tann sa, zot boufonn Zezi.

Lk 21:34

“Pran kont pou ki zot leker pa angourdi par toutsort kalite kiksoz, par labwason ek bann difikilte lavi, sinon Gran Zour-la pou tom lor zot san ki zot atann,

Lk 8:14

Seki tom dan pikan, sa bann ki tande, me kan traka, larises ek plezir lavi vini, li touf zot; zot fri pa mir.

1 Ko 6:10

voler, akaparer, soular, bann ki dir dimal lor Bondie ek bann eskro, pa erit Rwayom Bondie.

Let pou Kolosien 3:5

Tou seki fer parti lavi lor later an zot, fer li mor: limoralite, inpirte, lavi bakanal, bann move dezir ek lamour larzan ki enn form idolatri.

2 Tim 3:2

Dimounn pou konn zis zotmem ek zot larzan. Zot pou egois, gourman, vantar. Lorgey ek difamasion pou trap zot. Pou ena rebel anver paran. Dimounn pou ingra, zot pou komet sakrilez,

Eb 13:5

Ki lamour pou larzan pa determinn zot lavi, kontant zot avek seki zot ena, parski Bondie finn dir “Zame mo pa pou kit twa, ni abandonn twa.”

2 Pi 2:14

Zot lizie zis bon pou komet adilter e zot pa fatige fer pese. Zot antrenn dimounn feb dan piez. Zot leker finn bien antrene pou kontan kas. Malediksion lor zot.

2 Pi 2:3

Akoz zot gourmandiz larzan, sa bann dimounn-la pou explwat zot par bann koze malonet. Depi lontan, zizman finn fini pase lor zot e zot destriksion pa lwin.