Let Zid 1:3 - Nouvo Testaman Kreol Morisien Harmonisation NTPS KM

³ Mo bann kamarad, mo ti pe fer tou pou ekrir zot lor size ladelivrans ki nou ena an-komin, me mo finn trouv li neseser pou adres zot sa let-la, pou ankouraz zot pou lite dan lafwa ki Bondie finn donn so pep sin.

Nouvo Testaman dan Kreol Morisien

³ Mo bann kamarad, mo ti pe fer tou pou ekrir zot lor size ladelivrans ki nou ena ankomin, me mo finn trouv li neseser pou adres zot sa let la, pou ankouraz zot pou lite dan lafwa ki Bondie finn donn so pep sin.

Let Zid 1:3 ပူးပေါင်းရင်းမြစ်များ

Zistwar Bann Zapot 17:3

Li explik zot e montre zot ki Lekris ti bizin soufer e resisite parmi bann mor. Li dir zot, “Sa Zezi ki mo pe anons zot la, limem Lekris.”

Zistwar Bann Zapot 18:28

Li ti prezant bann argiman solid kont bann Zwif dan deba piblik, parski li ti prouve par Lekritir ki Zezi, limem Lekris.

Zistwar Bann Zapot 20:27

Parski mo pa finn negliz nanye; okontrer mo finn anons zot plan Bondie an-antie.

Zistwar Bann Zapot 28:28

Les mo dir zot ki Bondie finn avoy mesaz delivrans pou bann payin osi, e ki bann-la, zot pou ekoute, zot.”

Zistwar Bann Zapot 4:12

Pena personn kapav sov nou apar Zezi, parski pena okenn lot nom dan lemond antie ki kapav sov nou.”

Zistwar Bann Zapot 6:7

Parol Bondie ti pe kontign repann; nonb disip ti ogmante dan Zerizalem, e mem enn lafoul pret ti aksepte lafwa.

Zistwar Bann Zapot 9:13

Ananias reponn, “Segner, mo finn tann enn kantite koze lor sa zom-la, ki kantite ditor li finn fer to bann fidel dan Zerizalem.

Zistwar Bann Zapot 9:22

Me predikasion Sol vinn pli for ankor e li fer bann Zwif dan Damas perdi pwin letan li prouve ki Zezi limem Lemesi.

1 Ko 15:3

Mo finn transmet zot, avan tou, seki mo finn resevwar momem: ki Lekris finn mor pou nou pese dapre seki Lekritir finn anonse;

Ga 2:5

Nou pa finn soumet nou ditou ar bann-la, pou ki nou prezerv laverite Bonn Nouvel pou zot, nou frer ek ser.

Ga 3:28

Li pa fer okenn diferans ki to enn Zwif ou enn Grek, esklav ou lib, zom ou fam, parski nou tou enn sel dan Zezi Kris.

Ga 6:11

Zot trouve, mo pe ekrir zot sa bann gro-gro let-la avek mo prop lame.

Ef 1:1

Mwa Pol, enn zapot Zezi Kris par volonte Bondie, mo pe ekrir bann krwayan e bann fidel dan Zezi Kris.

Let pou Filipien 1:1

Mwa Pol ek Timote, serviter Zezi Kris. Nou pe ekrir lepep Bondie dan Filip, zot bann levek ek bann diak.

Let pou Filipien 1:27

Me selman, amenn zot lavi dapre Bonn Nouvel Lekris. Mem si mo vinn get zot ou pa, mo espere tande ki zot pe tini ferm dan enn sel lespri pou lit ansam pou fer lafwa avanse dapre Bonn Nouvel.

Let pou Kolosien 1:2

Zot bann disip ki dan lavil Kolos, bann frer e bann ser fidel dan Lekris: Ki labonte ek lape Bondie nou Papa res lor zot.

1 Tes 2:2

Kouma zot kone, nou finn gagn maltrete e nou finn soufer dan Filip, me nou ti ena kouraz dan nou Bondie pou anons zot Bonn Nouvel Bondie malgre tou lopozision.

1 Tim 1:18

Timote, mo garson, kan mo pe fer tou sa bann rekomandasion-la, mo mazinn bann profesi ki konsern twa. Pran sa parol-la kouma enn gid dan sa gran komba ki to ena pou amene la.

1 Tim 6:12

Amenn gran konba lafwa, pran posesion lavi eternel pou lekel Bondie finn apel twa parski to finn fer enn zoli konfesion to lafwa dan prezans boukou temwin.

2 Tim 1:13

Swiv touzour bann bon parol ki to finn tann mwa dir dan lafwa ek lamour lor Lekris Zezi.

Let pou Tit 1:4

Mo adres sa let-la pou twa Tit, mo vre zanfan dan lafwa. Mo priye Bondie nou Papa ek Lekris Zezi nou Sover: ki li amenn lagras ek lape lor twa.

Eb 13:22

Mo bann frer ek ser, mo fer enn lapel ar zot; ekout sa mesaz lankourazman la avek pasians, parski seki mo finn ekrir; li pa tro long.

Eb 6:9

Me zot, mo bann kamarad, nou kone ki mem si nou koz koumsa, zot lor bon sime delivrans.

1 Pi 5:12

Mo pe ekrir zot sa ti let-la avek led Silas, ki mo konsider kouma enn frer serye, pou ankouraz zot e pou sertifie ki samem vre lagras Bondie; zot bizin tini ferm ladan.

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

2 Pi 2:21

Li ti pou meyer ki zame zot ti konn sime lazistis, ki apre ki zot finn konn li, zot tourn zot ledo ar bann komannman sakre ki finn transmet zot.

Let Zid 1:1

Zid, serviter Zezi Kris ek so frer Zak, pe ekrir sa let-la tou bann dimounn ki finn apele par Bondie e ki viv dan lamour Bondie Papa ek anba proteksion Zezi Kris.

Let Zid 1:17

Me zot, mo bann kamarad, rapel bien predikasion bann zapot Zezi Kris nou Segner.

Let Zid 1:20

Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;

Revelasion 12:11

Me zot, zot finn gagn batay par disan Agno Bondie e par parol zot temwaniaz, parski zot pa ti telman atase ar zot lavi pou zot refiz lamor.

Revelasion 2:10

Pa per si zot pou bizin soufer. Diab pou bon tant zot e pou met plizir parmi zot dan prizon pou dis zour. Res touzour fidel ziska lamor e mo pou rekonpans zot.