Let Zid 1:20 - Nouvo Testaman Kreol Morisien Harmonisation NTPS KM

²⁰ Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;

Nouvo Testaman dan Kreol Morisien

²⁰ Me zot, mo bann kamarad, zot bizin kontigne ed zot kamarad pou konstrir lor mesaz ki Bondie finn donn zot. Zot bizin priye avek led Lespri Sin;

Let Zid 1:20 ပူးပေါင်းရင်းမြစ်များ

Zistwar Bann Zapot 15:9

Li pa finn fer okenn diferans ant zot ek nou, li finn pirifie zot leker par lafwa.

Zistwar Bann Zapot 26:18

pou ouver zot lizie, tir zot dan teneb pou met zot dan lalimier; pou sorti dan pouvwar Satan pou al ver Bondie, pou ki zot gagn pardon zot bann pese ek gagn zot plas parmi lepep Bondie ki sanktifie par lafwa dan mwa.’

Zistwar Bann Zapot 6:7

Parol Bondie ti pe kontign repann; nonb disip ti ogmante dan Zerizalem, e mem enn lafoul pret ti aksepte lafwa.

Zistwar Bann Zapot 9:31

Legliz dan Zide, Galile ek Samari ti viv enn letan lape. Legliz ti vinn for e ti ena gran respe pou Lesegner e par led Lespri Sin Legliz ti pe ogmante.

Let pou Romin 15:2

Sakenn parmi nou bizin fer so prosin plezir pou so prop bien, pou ki li progrese dan lafwa.

Let pou Romin 8:15

Sa Lespri ki zot finn gagne la, li pa enn lespri esklavaz, e ki replonz zot dan lafreyer, me zot finn resevwar enn Lespri ki fer zot zanfan Bondie, e ki fer nou kriye, “Abba! Papa!”

1 Ko 1:8

Li pou gard zot ferm ziska lafin, koumsa pa pou ena okenn repros kont zot sa zour kan Zezi Kris retourne la.

1 Ko 10:23

Ena enn koze ki dir, “Nou kapav fer seki nou oule.” Wi, me pa tou kiksoz ki bon. “Nou kapav fer seki nou oule,” wi, me pa tou kiksoz ki konstriktif.

1 Ko 14:15

Alor ki mo bizin fer? Mo pou priye inspire par Lespri, me mo pou osi priye avek mo lintelizans. Mo pou sant avek mo lespri, me mo pou osi sant avek mo lintelizans.

1 Ko 14:26

Alor la, ki nou kapav dir, bann frer ek bann ser? Kan zot zwenn ansam, ena dimounn ki pou ena enn kantik, enn lot ki pou ena enn parol pou ansegne, enn lot enn revelasion, enn lot enn mesaz an lang ek enn interpretasion sa langaz-la. Tousala bizin fer pou fortifie Legliz.

Ga 4:6

E parski zotmem so bann zanfan, Bondie finn avoy Lespri so Garson dan nou leker, Lespri ki kriye “Abba, Papa!”

Ef 4:12

pou ki bann krwayan ena kapasite akonplir zot minister, pou grandi lekor Lekris.

Ef 4:16

Par li bann diferan parti lekor vinn ansam; lekor antie tini ansam par bann zwintir; alors koumsa mem li grandi e li devlope dan lamour.

Ef 4:29

Napa koz move koze, me servi bann parol ki fortifie e ki donn seki neseser pou dibien bann dimounn ki tann zot.

Ef 6:18

Priye touzour dan pwisans Lespri ar tou kalite lapriyer e siplikasion dan tou sirkonstans; res lor zot gard, res fidel. Priye pou lepep Bondie.

Let pou Kolosien 2:7

gard zot rasinn plante an li, tini ferm dan lafwa, dan manier ki finn ansegn zot, e les zot rekonesans deborde.

1 Tes 5:11

Alor ankouraz zotmem e fortifie zot bien, parey kouma zot deza pe fer.

1 Tim 1:4

Anpes zot rakont toutsort kalite zistwar ek koz gran-gran koze lor bann anset parski tousala pa servi nanye. Zis par lafwa ki plan Bondie avanse.

2 Tim 1:5

Mo touzour rapel lafwa sinser ki dan to leker. Samem lafwa ki to finn resevwar avek to granmer Lois ek to mama Enis.

Let pou Tit 1:1

Mwa Pol, serviter Bondie, mo enn zapot Zezi Kris ki finn swazir pou amenn bann krwayan dan lafwa ek gid zot dan laverite.

Let Zak 2:22

To trouve, so lafwa ek so aksion mars ansam; so aksion prouv so lafwa dan Bondie.

2 Pi 1:1

Mwa Simon Pier, serviter ek Zapot Zezi Kris. Mo pe adres zot, bann dimounn ki finn resevwar don presie lafwa kouma nou, atraver lazistis Bondie e nou Sover Zezi Kris:

1 Zn 5:4

parski tou zanfan Bondie ena laviktwar lor lemond. Nou lafwa donn nou mwayin pou gagn laviktwar lor lemond.

Let Zid 1:3

Mo bann kamarad, mo ti pe fer tou pou ekrir zot lor size ladelivrans ki nou ena an-komin, me mo finn trouv li neseser pou adres zot sa let-la, pou ankouraz zot pou lite dan lafwa ki Bondie finn donn so pep sin.

Revelasion 13:10

Si kikenn finn fer pou vinn prizonie, li pou al dan prizon; si kikenn finn fer pou mor avek lepe, li pou mor avek lepe. Ala enn lapel pou landirans ek lafwa pou lepep Bondie.